Qazaqstanda AI-92 benzininiń aimaqtarǵa 13 kún úzdiksiz jetkizýge jetetin qory bar. Bul týraly energetika ministri Qanat Bozymbaev málimdedi, - dep habarlaidy "Ult aqparat" kaz.tengrinews.kz portalyna silteme jasap.
Premer-ministr Baqytjan Saǵyntaev úkimet otyrysyn janarmai jaǵdaiyn talqylaýdan bastady.
"Benzin boiynsha jaǵdaidy turaqtandyrý úshin birqatar shara qoldanyldy. Shymkent jáne Atyraý zaýyttarynda AI-92 benzinin óndirý 35 tonnaǵa deiin arttyryldy. Jeńildetilgen munai da qosymsha jetkizilip jatyr. Munyń bári josparlanǵan 135 myń tonna ornyna 170 myń tonna AI-92 óndirýge múmkindik beredi", - deidi Qanat Bozymbaev.
Onyń sózinshe, reseilik janarmai tasymaldaýshylarmen 100 myń tonna AI-92 jetkizip berý týraly kelisim jasaldy. Onyń 50 myń tonnasy apta sońyna deiin, al qalǵany ai sońyna deiin tolyq jetkiziledi.
"Qazir eldegi AI-92 benzininiń jalpy qaldyǵy 120 myń tonna. Bul benzinmen 13 kún úzdiksiz qamtamassyz etýge jetedi. Búginde AI-92 satylymyn shekteitin aimaq qalǵan joq, birinshi kezekte iri jelilerdi aityp otyrmyn. Eki jelide ǵana talonmen berý erejesi saqtalyp tur, olar jaqyn kúnderi erkin saýdaǵa kóshedi degen oidamyn", - dep sendirdi Bozymbaev.
Ministrdiń sózinshe, Pavlodar munai óńdeý zaýytyn jóndeý jumystary kestege sai ótip jatyr. 26 qazanda zaýyt iske qosylady dep josparlanǵan. Al qazan aiynyń sońyna deiin zaýyt 65 myń tonny munai óńdep, táýligine 2,5 myń tonna AI-92 benzinin shyǵaryp otyrady.
