قازاقستاندا اي-92 بەنزينٸنٸڭ ايماقتارعا 13 كٷن ٷزدٸكسٸز جەتكٸزۋگە جەتەتٸن قورى بار. بۇل تۋرالى ەنەرگەتيكا مينيسترٸ قانات بوزىمباەۆ مەلٸمدەدٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
پرەمەر-مينيستر باقىتجان ساعىنتاەۆ ٷكٸمەت وتىرىسىن جانارماي جاعدايىن تالقىلاۋدان باستادى.
"بەنزين بويىنشا جاعدايدى تۇراقتاندىرۋ ٷشٸن بٸرقاتار شارا قولدانىلدى. شىمكەنت جەنە اتىراۋ زاۋىتتارىندا اي-92 بەنزينٸن ٶندٸرۋ 35 تونناعا دەيٸن ارتتىرىلدى. جەڭٸلدەتٸلگەن مۇناي دا قوسىمشا جەتكٸزٸلٸپ جاتىر. مۇنىڭ بەرٸ جوسپارلانعان 135 مىڭ توننا ورنىنا 170 مىڭ توننا اي-92 ٶندٸرۋگە مٷمكٸندٸك بەرەدٸ", - دەيدٸ قانات بوزىمباەۆ.
ونىڭ سٶزٸنشە, رەسەيلٸك جانارماي تاسىمالداۋشىلارمەن 100 مىڭ توننا اي-92 جەتكٸزٸپ بەرۋ تۋرالى كەلٸسٸم جاسالدى. ونىڭ 50 مىڭ تونناسى اپتا سوڭىنا دەيٸن, ال قالعانى اي سوڭىنا دەيٸن تولىق جەتكٸزٸلەدٸ.
"قازٸر ەلدەگٸ اي-92 بەنزينٸنٸڭ جالپى قالدىعى 120 مىڭ توننا. بۇل بەنزينمەن 13 كٷن ٷزدٸكسٸز قامتاماسسىز ەتۋگە جەتەدٸ. بٷگٸندە اي-92 ساتىلىمىن شەكتەيتٸن ايماق قالعان جوق, بٸرٸنشٸ كەزەكتە ٸرٸ جەلٸلەردٸ ايتىپ وتىرمىن. ەكٸ جەلٸدە عانا تالونمەن بەرۋ ەرەجەسٸ ساقتالىپ تۇر, ولار جاقىن كٷندەرٸ ەركٸن ساۋداعا كٶشەدٸ دەگەن ويدامىن", - دەپ سەندٸردٸ بوزىمباەۆ.
مينيستردٸڭ سٶزٸنشە, پاۆلودار مۇناي ٶڭدەۋ زاۋىتىن جٶندەۋ جۇمىستارى كەستەگە ساي ٶتٸپ جاتىر. 26 قازاندا زاۋىت ٸسكە قوسىلادى دەپ جوسپارلانعان. ال قازان ايىنىڭ سوڭىنا دەيٸن زاۋىت 65 مىڭ توننى مۇناي ٶڭدەپ, تەۋلٸگٸنە 2,5 مىڭ توننا اي-92 بەنزينٸن شىعارىپ وتىرادى.
