Astana men basqa da óńirlerdi gazben qamtý úshin Eýropa qaita qurý jáne damý bankinen qaryz tartý boiynsha kelissózder júrip jatyr. Bul týraly energetika ministri Qanat Bozymbaev málimdedi, dep habarlaidy Sputnik Qazaqstan tilshisi.
"Astanany, sondai-aq birqatar óńirdi gazben qamtý úshin "QazTransGaz" kompaniiasy "Saryarqa" magistraldy gaz qubyrynyń qurylysy jobasynyń tehnikalyq-ekonomikalyq negizdemesin ázirledi. Saraptamanyń oń qorytyndysy bar. Qazirgi tańda jobany Eýropa qaita qurý jáne damý bankinen qaryz tartý arqyly qarjylandyrý máselesi boiynsha belsendi kelissózder júrip jatyr", — dedi ministr.
Onyń aitýynsha, "Saryarqa" gaz qubyry jobasyn qarjylandyrý shemasyn, sharttaryn anyqtaý úshin ulttyq eoknomika, qarjy ministrlikteri, Astana ákimdigi, "Samuryq-Qazyna" qory men "QazMunaiGaz" ókilderiniń qatysýymen vedomstvoaralyq jumys toby qurylýda.
Buǵan deiin jospar boiynsha gaz qubyry Qyzylorda, Jezqazǵan, Qaraǵandy, Temirtaý, Astana, Kókshetaý jáne Petropavl qalalary arqyly ótetini habarlanǵan edi.
