Búgin QR Memlekettik qyzmet isteri jáne sybailas jemqorlyqqa qarsi is-qimyl agenttigindegi jiyn barysynda «Jolaýshylar tasymaly» AQ bas direktorynyń orynbasary Daniiar Nurmaǵambetov málimdedi, dep habarlaidy Baq.kz tilshisi.
«Qazaqstan temir joly» jylyna 18 mln jolaýshyny tasymaldaidy. Bul aiyna bútindei bir Astanany nemese Almaty sekildi iri qalany tasymaldaýmen teń. Alaida, kompaniia eldegi jalǵyz tasymaldaýshy emes. Sebebi, bizdiń Qazaqstan boiynsha júretin 119 baǵdardan basqa jekemenshik tasymaldaýshylardyń taǵy 21 baǵdary bar. Iia, týyndap otyrǵan másele júieli sipatqa ie bolyp otyr. Alaida, sol 18 mln júzden bir bóligin alyp qaraityn bolsaq ta, bizde sonda da 1800 jaǵdai oryn alady», - degen «Jolaýshylar tasymaly» kompaniiasy ókiliniń sózin Jemqorlyqqa qarsy is-qimyl agenttiginiń tóraǵasy bóldi.
«Daniiar Jaqsybaiuly, júrgizilip jatqan jumystar úlken, tasymaldar da aýqymdy. Biraq, bul jerde másele júzden bir jaǵdaiǵa qatysty bolyp otyrǵan joq. Sebebi, problema júieli sipatta bolyp otyr. Biz de, siz de jolaýshylymyz jáne osy másele bizdiń aldymyzdan da shyǵyp otyr. Ásirese, jaz maýsymynda bilet tabý múmkin emes», - degen Oljas Bektenov jyl saiyn osy jaǵdai qaitalanatynyn aityp, osynyń sheshimderin usynýdy surady.
Bektenov bir qolǵa beriletin bilettiń sany shekteýli bolǵanyna qaramastan, alyp-satarlarda biletter óte kóp ekenin aityp ótti.
«Mundai «bos» biletterdiń paida bolýyna negizgi sebep bar. Biz birneshe ret QR Investitsiialar jáne damý ministrligine hat joldadyq. Kún saiyn Qazaqstan aýmaǵyndaǵy barlyq poiyzdarda 1500-1700 bilet memlekettik organdardyń qarýly kúsh qurylymdary úshin brondalady. Sondyqtan, osy brondalatyn biletter kólemin azaitý, ainalymda bos biletterdiń týyndamaýyna sebebin tigizer edi. Ári dese, álgi brondalǵan biletterdiń 80 protsenti qoldanylmaidy. Alaida, biz baǵynatyn ministrliktiń sáikes buiryǵy bar bolǵandyqtan, biz eshqandai shara qoldana almaimyz», - dedi Nurmaǵambetov.
Onyń aitýynsha, bul brondalǵan biletter poiyzdyń jolǵa shyǵýyna deiin 24-6 saǵat qalǵanda ǵana brondaýdan bosatylady.
«Ekinshiden, biz qazir biletterdi satyp alý jáne brondaý úshin qoldanatyn júie TMD keńistiginde jumys jasaityn júie bolyp tabylady. Iia, rasynda da atalǵan júie alypsatarlyq sekildi jaǵdailardyń aldyn alý úshin asa qolaily emes. Sol sebepti biz jazǵy tasymaldar aldynda, birinshiden, biletterdi qaitarý úshin 1000 teńge kóleminde tarif engizdik. Jolaýshylar tarapynan narazylyqtar da týyndady. Biraq, bizde mundai shara qoldanbasqa shara joq. Ekinshiden, eger, biletti qaitaratyn adam kassaǵa kelýi kerek nemese bul áreket senimhat arqyly júzege asyrylady. Osylaisha, alypsatarlar bir azamattyń jeke kýáliginiń kóshirmesi arqyly bilet satyp alyp, ony artynsha keiin qaitara alsa, endi ondai múmkindik bolmaidy», - dedi QTJ ókili.
