بٷگٸن قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسٸ ٸس-قيمىل اگەنتتٸگٸندەگٸ جيىن بارىسىندا «جولاۋشىلار تاسىمالى» اق باس ديرەكتورىنىڭ ورىنباسارى دانييار نۇرماعامبەتوۆ مەلٸمدەدٸ, دەپ حابارلايدى Baq.kz تٸلشٸسٸ.
«قازاقستان تەمٸر جولى» جىلىنا 18 ملن جولاۋشىنى تاسىمالدايدى. بۇل ايىنا بٷتٸندەي بٸر استانانى نەمەسە الماتى سەكٸلدٸ ٸرٸ قالانى تاسىمالداۋمەن تەڭ. الايدا, كومپانييا ەلدەگٸ جالعىز تاسىمالداۋشى ەمەس. سەبەبٸ, بٸزدٸڭ قازاقستان بويىنشا جٷرەتٸن 119 باعداردان باسقا جەكەمەنشٸك تاسىمالداۋشىلاردىڭ تاعى 21 باعدارى بار. ييا, تۋىنداپ وتىرعان مەسەلە جٷيەلٸ سيپاتقا يە بولىپ وتىر. الايدا, سول 18 ملن جٷزدەن بٸر بٶلٸگٸن الىپ قارايتىن بولساق تا, بٸزدە سوندا دا 1800 جاعداي ورىن الادى», - دەگەن «جولاۋشىلار تاسىمالى» كومپانيياسى ٶكٸلٸنٸڭ سٶزٸن جەمقورلىققا قارسى ٸس-قيمىل اگەنتتٸگٸنٸڭ تٶراعاسى بٶلدٸ.
«دانييار جاقسىبايۇلى, جٷرگٸزٸلٸپ جاتقان جۇمىستار ٷلكەن, تاسىمالدار دا اۋقىمدى. بٸراق, بۇل جەردە مەسەلە جٷزدەن بٸر جاعدايعا قاتىستى بولىپ وتىرعان جوق. سەبەبٸ, پروبلەما جٷيەلٸ سيپاتتا بولىپ وتىر. بٸز دە, سٸز دە جولاۋشىلىمىز جەنە وسى مەسەلە بٸزدٸڭ الدىمىزدان دا شىعىپ وتىر. ەسٸرەسە, جاز ماۋسىمىندا بيلەت تابۋ مٷمكٸن ەمەس», - دەگەن ولجاس بەكتەنوۆ جىل سايىن وسى جاعداي قايتالاناتىنىن ايتىپ, وسىنىڭ شەشٸمدەرٸن ۇسىنۋدى سۇرادى.
بەكتەنوۆ بٸر قولعا بەرٸلەتٸن بيلەتتٸڭ سانى شەكتەۋلٸ بولعانىنا قاراماستان, الىپ-ساتارلاردا بيلەتتەر ٶتە كٶپ ەكەنٸن ايتىپ ٶتتٸ.
«مۇنداي «بوس» بيلەتتەردٸڭ پايدا بولۋىنا نەگٸزگٸ سەبەپ بار. بٸز بٸرنەشە رەت قر ينۆەستيتسييالار جەنە دامۋ مينيسترلٸگٸنە حات جولدادىق. كٷن سايىن قازاقستان اۋماعىنداعى بارلىق پويىزداردا 1500-1700 بيلەت مەملەكەتتٸك ورگانداردىڭ قارۋلى كٷش قۇرىلىمدارى ٷشٸن بروندالادى. سوندىقتان, وسى بروندالاتىن بيلەتتەر كٶلەمٸن ازايتۋ, اينالىمدا بوس بيلەتتەردٸڭ تۋىنداماۋىنا سەبەبٸن تيگٸزەر ەدٸ. ەرٸ دەسە, ەلگٸ بروندالعان بيلەتتەردٸڭ 80 پروتسەنتٸ قولدانىلمايدى. الايدا, بٸز باعىناتىن مينيسترلٸكتٸڭ سەيكەس بۇيرىعى بار بولعاندىقتان, بٸز ەشقانداي شارا قولدانا المايمىز», - دەدٸ نۇرماعامبەتوۆ.
ونىڭ ايتۋىنشا, بۇل بروندالعان بيلەتتەر پويىزدىڭ جولعا شىعۋىنا دەيٸن 24-6 ساعات قالعاندا عانا برونداۋدان بوساتىلادى.
«ەكٸنشٸدەن, بٸز قازٸر بيلەتتەردٸ ساتىپ الۋ جەنە برونداۋ ٷشٸن قولداناتىن جٷيە تمد كەڭٸستٸگٸندە جۇمىس جاسايتىن جٷيە بولىپ تابىلادى. ييا, راسىندا دا اتالعان جٷيە الىپساتارلىق سەكٸلدٸ جاعدايلاردىڭ الدىن الۋ ٷشٸن اسا قولايلى ەمەس. سول سەبەپتٸ بٸز جازعى تاسىمالدار الدىندا, بٸرٸنشٸدەن, بيلەتتەردٸ قايتارۋ ٷشٸن 1000 تەڭگە كٶلەمٸندە تاريف ەنگٸزدٸك. جولاۋشىلار تاراپىنان نارازىلىقتار دا تۋىندادى. بٸراق, بٸزدە مۇنداي شارا قولدانباسقا شارا جوق. ەكٸنشٸدەن, ەگەر, بيلەتتٸ قايتاراتىن ادام كاسساعا كەلۋٸ كەرەك نەمەسە بۇل ەرەكەت سەنٸمحات ارقىلى جٷزەگە اسىرىلادى. وسىلايشا, الىپساتارلار بٸر ازاماتتىڭ جەكە كۋەلٸگٸنٸڭ كٶشٸرمەسٸ ارقىلى بيلەت ساتىپ الىپ, ونى ارتىنشا كەيٸن قايتارا السا, ەندٸ ونداي مٷمكٸندٸك بولمايدى», - دەدٸ قتج ٶكٸلٸ.
