La Belle Des Oceans krýizdik laineri tailandyq Phi-Phi araldary mańynda Andaman teńizinde jartasqa kelip soǵylǵan, dep habarlaidy QazAqparat Maritime Bulletin basylymyna silteme jasap.
Dúisenbi kúni Maritime Bulletin basylymy jazǵandai, keleńsiz jaǵdai jergilikti ýaqyt boiynsha 02:00-03:00 aralyǵynda oryn alǵan.
Qolda bar málimetter boiynsha, kemeniń bortynda 90 jolaýshy jáne 60 ekipaj múshesi bolǵan.
Oqiǵa saldarynan lainerdiń aldyńǵy bóliginiń korpýsy sýǵa batyp ketken. Soǵan qaramastan keme Tailandtyń áskeri teńiz kúshteriniń baqylaýymen Phýket aralyna deiin ózdiginen jetken. Saǵat 10:30 shamasynda borttaǵy barlyq adam qaýipsiz jerge kóshirildi.
Belgiia jalaýy bar La Belle Des Oceans Malaiziianyń Pinang aralynan Phýket mańyndaǵy Tailandtaǵy Phangnga shyǵanaǵyna bara jatqan.
