Eýropalyq odaqtyń syrtqy ister jáne qaýipsizdik saiasaty jónindegi joǵarǵy ókili Jozep Borrell Reseige qarsy sanktsiialardyń Qazaqstanǵa áseri týraly suraqqa jaýap berdi, - dep habarlaidy Tengrinews.kz agenttigi.
"Reseige qarsy sanktsiialar Reseidiń soǵysty qarjylandyrý áleýetin álsiretý úshin arnaiy jasalǵan jáne olar basqa eshkimge baǵyttalmaǵan. Olar aýyl sharýashylyǵyna nemese tyńaitqyshtarǵa baǵyttalmaǵan, olar sanktsiialarǵa ushyramaidy. Sondyqtan sanktsiialar týraly búkil álemdi azyq-túlikpen qamtamasyz etýge qatysty aitylǵan kez kelgen áńgime shyndyqqa janaspaidy", - dedi Borrell Aqordada jýrnalisterdiń suraqtaryna jaýap bere otyryp.
Ol sanktsiialardyń saldaryn muqiiat ólsheý kerek ekenin, olar logistikalyq faktorlarǵa áser etpeýi keregin atap ótti.
"Keshe biz sheshkimiz keletin naqty problemalardy óte nátijeli talqyladyq, biraq olar úshinshi elderdiń ekonomikasyna baǵyttalǵan emes. Eger turaqty zalal bolsa, biz olardy qalpyna keltiremiz", - dep qosty Borrell.
