Foto: © Sputnik / Vladislav Vodnev
Nazarbaevtyń eks-qudasy Boranbaev endi ken ornyn, gaz kompaniiasy men zaýytty memleketke qaitardy, - dep habarlaidy "Ult aqparat" Qarjylyq monitoring agenttigine silteme jasap.
«QMA Qairat Boranbaevtyń tergeýmen erikti yntymaqtastyǵy aiasynda onyń múlkin memleket kirisine qaitarý sharalaryn qabyldap jatyr.
«Qarajanbas Severnyi» ken orny memleket menshigine ótti, onyń óndiristik parametrleri - quny 35,4 mlrd teńge bolatyn 2,6 mln tonna munai jáne 13,2 mln tekshe metr gaz bar 143 uńǵyma.
Boranbaev sondai-aq taýarlyq gazdy tasymaldaýmen jáne satýmen ainalysatyn «Aziia Gaz Chýndja» gaz taratýshy kompaniiasyn memleket menshigine berdi. Kompaniianyń naryqtyq quny 14 mlrd teńgege jýyq.
Sonymen qatar quny 9 mlrd teńge bolatyn «Servisnyi Tsentr KazTýrboRemont» JShS munai-gaz jabdyqtaryn óndirý jáne jóndeý zaýyty memleket menshigine ótedi. Kásiporyn jumysshylarynyń sany 740 adamdy quraidy» - delingen habarlamada.
Bul nysandardyń barlyǵy memlekettik paidasyna ótedi.
Qarjylyq monitoring agenttigi qylmystyq jolmen, onyń ishinde shetelden alynǵan aktivterdi izdeý jáne qaitarý boiynsha jumysty jalǵastyryp jatyr.
