Foto: PROSPORT.KZ
Qarjylyq monitoring agenttigi Qairat Boranbaevtyń múlkin memleket menshigine qaitarý sharalaryn júrgizip jatyr. Memleket kirisine jalpy quny 33,75 mlrd teńge bolatyn keńse, saýda jáne oiyn-saýyq kesheni, sondai-aq saýyqtyrý jáne fitnes jelisi ótti, dep habarlaidy "Ult aqparat" vedomstvonyń baspasóz qyzmetine silteme jasap.
"Atap aitqanda, ońtústik megapolistiń ortalyǵynda ornalasqan «Almaly» saýda ortalyǵynyń ǵimaraty, sondai-aq jalǵa berý jáne múlikti basqarýmen ainalysatyn «Unity Hall» JShS. "Almaty Taýers" biznes ortalyǵynda ornalasqan nysannyń aýdany 11 myń sharshy metrden asady.
Sondai-aq, «Fitnation» fitnes klýbtar jelisi memleket menshigine ótti. Nysandar Astana, Almaty jáne Qostanai qalalarynda ornalasqan. Bul nysandardyń barlyǵyn qoldanystaǵy zańnamaǵa sáikes demalys, saýyqtyrý jáne bilim berý ortalyqtaryn uiymdastyra otyryp, áleýmettik maqsattarǵa paidalaný josparlanyp otyr" - delingen habarlamada.
Buǵan deiin kásipker tabiǵi gaz importy kezinde qarajatty urlaý faktisi boiynsha tergeý kezinde 14,5 mlrd teńge kóleminde materialdyq zalaldy ótegen bolatyn.
Aita keteiik, Qairat Boranbaev - Qazaqstanda McDonald's franshizasyn ielengen, sondai-aq jyljymaityn múlik, munai-gaz sektorynda aktivteri bar iri qazaqstandyq kásipker. Reseilik "Spýtnik V" koronavirýsyna qarsy vaktsina óndirilgen Qaraǵandy farmatsevtikalyq kesheniniń aktsioneri bolyp tabylady.
