Bolgariia Halyq jinalysynyń ǵimaratynda Ábý Nasr ál-Farabidiń 1150-jyldyǵyna jáne Abai Qunanbaiulynyń 175-jyldyǵyna arnalǵan markany shyǵarýdyń saltanatty rásimi ótti, dep habarlaidy QR SIM baspasóz qyzmeti.
Poshtalyq markany shyǵarý jobasy Qazaqstannyń Sofiiadaǵy Elshiliginiń bastamasymen «Bolgariia poshtasy» aqtsionerlik qoǵamy júzege asyrdy.
Is-sharaǵa Qazaqstannyń Sofiiadaǵy Elshiliginiń ókilderimen qatar Halyq jinalysynyń tóraiymy Tsveta Karaiancheva, «Qazaqstanmen dostyq úshin» parlamentik tobynyń tóraiymy Daniela Daritkova, Syrtqy ister ministriniń orynbasary Milen Liýtskanov, Kólik ministriniń orynbasary (poshta salasyna jaýapty) Andreana Atanasova , «Bolgariia poshtasy» aqtsionerlik qoǵamynyń Bas direktory Deian Dyneshki, sondai-aq ár túrli saiasi partiialardan parlament depýtattary qatysty.
Ts. Karaiancheva óz sózinde Qazaqstan men Bolgariia arasyndaǵy qatynastardyń jaqsy damyp kele jatqanyn atap ótip, is-shara ekijaqty yntymaqtastyqty nyǵaitýdyń taǵy bir múmkindigi bolǵanyn habarlady. Sonymen birge, ol Elshiligikkee atalǵan uly tulǵalarmen tanysýǵa múmkindik bergeni úshin alǵys aitty.
Jalpy, ótkizilgen is-shara bolgar aýditoriiasyn Qazaqstan halqynyń mádeni murasy men rýhani bailyǵymen tanystyrýǵa jaqsy múmkindik usyndy.
Sonymen qatar, is-shara aiasynda filosofiia ǵylymdarynyń doktory, Qazaq ulttyq ýniversitetiniń professory Jaqypbek Altaevtyń bolgar tiline aýdarylǵan ál-Farabi týraly jańadan shyqqan kitaptyń tusaýkeseri ótti.
Sońynda Qazaqstan Respýblikasynyń Elshisi qonaqtarǵ atalǵan jańa kitap pen Abaidyń «Qara sózder» bolgar tilindegi basylymyn, jáne «Qunanbai» filmimen (bolgar tilinde) DVD tabystady.
