Foto: OKQ
«Qazaqstan halqyna» Qoǵamdyq qoryn úsh jyl boiy basqarǵan Bolat Jámishev qyzmetinen ketti, dep habarlaidy Ult.kz.
Qordyń baspasóz qyzmetiniń málimetinshe ol bul qyzmetke 2022 jyldyń qańtarynda taǵaiyndalǵan bolatyn. Basqarma Tóraǵasy bolyp sailanǵan ókilettik merziminiń aiaqtalýyna bailanysty Bolat Jámishev Qordaǵy jumysyn aiaqtaý týraly sheshim qabyldady.
Basshylyq jasaǵan kezinde Bolat Jámishev Qordyń qalyptasýy men damýyna zor úles qosty. Qor 104 qaiyrymdylyq baǵdarlamasy men jobasyna bastamashy bolyp, onyń 62-sin iske asyrdy.
«Qorda jumys isteý men úshin úlken mártebe jáne jaýapkershilikti is boldy. Qor qyzmetinde bizdiń bastamalarymyzdy qoldaǵandardyń barlyǵyna shyn júrekten alǵys aitamyn. Biz birigip aitarlyqtai nátijelerge qol jetkizdik jáne Qordyń jańa basshylyqpen óz damýyn jalǵastyra beretinine senimim mol. Barlyq seriktesterge, donorlarǵa jáne qyzmetkerlerge ortaq igi isimizge qosqan úlesi úshin alǵys aitamyn», - dep, Bolat Jámishev óz sheshimine túsinik berdi.
Aqparatqa sáikes «Qazaqstan halqyna» Qoǵamdyq qory Qamqorshylyq keńesiniń sheshimimen 2025 jyldyń 1 aqpanynan bastap «Qazaqstan halqyna» QQ Basqarma tóraiymy laýazymyna qoǵam qairatkeri, qaiyrymdylyq jáne Qazaqstandaǵy ÚEU-nyń institýtsionaldyq damýy men áleýmettik jobalardy basqarý salasyndaǵy sarapshy Lazzat Shyńǵysbaeva sailandy. Ol buǵan deiin «Qazaqstan halqyna» qory Basqarma tóraǵasynyń orynbasary qyzmetin atqaryp, memlekettik nagrada – «Eren eńbegi úshin» medalimen, «Atameken» UKP qurmetti qyzmetkeri» medalimen marapattalǵan.
Foto: OKQ
Sondai-aq, Qamqorshylyq keńes qor qyzmetkerleri Sofiia Aisaǵalievany Basqarma tóraǵasynyń orynbasary, Serikbek Elshibekovti «Qazaqstan halqyna» QQ Basqarma múshesi etip sailady.
Basshylyqtyń aýysqanyna qaramastan, Qor jumysyn qalypty tártipte jalǵastyrady. Qordyń Qamqorshylyq keńesiniń pikirinshe, basshylyqtyń aýysýy – bul jańa taraý, ol qaiyrymdylyq qyzmetti damytý úshin qosymsha múmkindikterdi ashady.
