Aqparat jáne qoǵamdyq damý vitse-ministri Bolat Tilepov elimizde 5 myńnan astam belsendi uiym jumys istep jatqanyn aitty, dep habarlaidy QazAqparat.
«Azamattyq qoǵam ókilderiniń halyqtyń jalpy áleýmettik-ekonomikalyq jaǵdaiyn jaqsartýǵa qatysýy memlekettik múdde. Bul týraly Prezident Joldaýda erekshe atap ótken bolatyn. Qazirgi kezde elimizde 22 myńnan astam úkimettik emes uiym tirkelgen. Onyń ishinde 16 myńy is júzinde eńbek etse, 5 myńnan astamy belsendi uiym qataryna kiredi. Olardyń barlyǵyna da memleket jyl saiyn bóletin áleýmettik tapsyrystar, granttar men qarjylai syiaqylar tolyǵymen qoljetimdi», - dedi vitse-ministr vedomstvonyń keńeitilgen alqa májilisinde.
Máselen, byltyr qoǵamdyq uiymdardyń qatysýymen elimiz boiynsha 1 250-den asa áleýmettik joba iske asty. 100 degen uiym ári qarai damýǵa múmkindik alsa, 38 qoǵamdyq uiymǵa qarjylai syilyqaqy berildi.
«2020 jyl elimizdiń azamattyq qoǵamy úshin mazmundy boldy. Eń mańyzdysy, osy saladaǵy basty strategiialyq qujat - eldegi úkimettik emes sektordy damytýdyń jańa vektoryn qamtityn 2020-2030 jyldarǵa arnalǵan «Azamattyq qoǵamdy damytý kontsentsiiasy» qabylandy. Osy oraida Úkimet qaýlymysymen osy tujyrymdamany iske asyrý jónindegi is-sharalar jospary bekitildi», - dedi B. Tilepov.
Onyń sózine qaraǵanda, jalpy josparda birinshi kezeńde iske asyrylatyn 5 negizgi baǵyt boiynsha 33 is-shara qamtyldy. Dálirek aitqanda, azamattyq qoǵam damýyn quqyqtyq jetildirý, azamattyq belsendilikti damytý jáne qoldaý, sondai-aq turǵyndardyń memlekettik basqarýǵa qatysýǵa keńinen tartý siiaqty qadamdar eskerilgen.
