Fotokollaj: Azattyq Rýhy
Qazaqstanda 55 maining fermasy óz erkimen jumysyn toqtatty. Bul týraly Qarjy monitoringi agenttigi habarlady, - dep habarlaidy Tengrinews.kz tilshisi.
Vedostvo málimetinshe, olar jumysty tolyǵymen toqtatqan, jabdyqtar bólshektenip, shyǵarylǵan. Qazir memlekettik organdar bul qural-jabdyqtardy qaita qoldanbaý sharalaryn qabyldap jatyr.
"Óz qyzmetin toqtatqan maining kompaniialary arasynda Pavlodar oblysyndaǵy Bolat Nazarbaev jáne Aleksandr Klebanovqa, Aqtóbe oblysyndaǵy QazaqGaz ulttyq kompaniiasynyń basqarma tóraǵasy Qairat Sháripbaev jáne Qaraǵandy oblysyndaǵy belgili kásipkerlerdiń biri Erlan Nyǵmatýlinge qarasty fermalar bar", - delingen habarlamada.
Sonymen qatar, QMA málimetinde taǵy 51 maining fermasynyń zańsyz jumys istep jatqany aitylǵan. Vedomstvo olardyń arasynda kásipker Qairat Itemgenov pen Ishki ister ministrliginiń burynǵy departament basshysy Tilegen Mátkenovke qatysy bar kompaniialar baryn alǵa tartady.
"Olar jumysy bastalǵany týraly ýákiletti organǵa habarlamaǵan nemese tehnikalyq sharttarsyz elektr energiiasyna zańsyz qosylǵan, arnaiy ekonomikalyq aimaq aýmaǵyna negizsiz ornalastyrylǵan, sondai-aq salyqtar men kedendik tólemderdi tóleýden jaltarǵan. Búginde bári elektrmen jabdyqtaý kózderinen ajyratylǵan", - dep qosty vedomstvo ókilderi.
Vedomstvo málimetinshe, maining jabdyqtary Qytai, Ońtústik Koreia, Singapýr, Túrkiia jáne Grýziiadan ákelingen. Olardyń arasynda kontrabandalyq jolmen ákelingeni de bolǵan.
"Osy derekterdiń biri Almaty qalasynda anyqtalǵan, onda Qytaidan 2,8 milliard teńgeden asatyn qarjyǵa myńnan astam tehnika ákelingen. Jalpy, Qarjy monitoringi agenttigi 25 qylmystyq is tirkep, 67 myńnan astam tehnika tárkilendi. Quny - shamamen 100 milliard teńge", - delingen habarlamada.
