Pavlodar oblysynyń burynǵy ákimi Bolat Baqaýovtiń isi boiynsha negizgi sot talqylaýy 27 mamyrǵa belgilendi, dep habarlaidy "Ult aqparat".
«Qylmystyq kodekstiń 361-baby 4-bóligi 3-tarmaǵynda kózdelgen qylmystyq quqyq buzýshylyqqa aiyptalyp otyrǵan Boqaýov Bolat Jumabekulyna qatysty qylmystyq is sot óndirisine alyndy. Negizgi sot talqylaýy sottalýshynyń, memlekettik aiyptaýshynyń jáne qorǵaýshy advokattyń qatysýymen 2020 jyldyń 27 mamyry kúni saǵat 10.00-ge Pavlodar qalalyq №2 sotynyń ǵimaratynda ashyq sot otyrysynda kelisimdi óndiriste belgilensin. Sottalýshyǵa qatysty tańdap alynǵan bultartpaý sharasy sol qalpynda qalsyn», - delingen Pavlodar oblystyq sotynyń saitynda jariialanǵan Pavlodar qalalyq №2 sotynyń qaýlysynda.
Sonymen qatar atalǵan qujatta is boiynsha óndiristi qysqartýǵa nemese toqtata turýǵa alyp keletin eshqandai negiz joq ekendigi atalyp ótilgen. Protsessýaldyq kelisim jasaý barysynda taǵaiyndalǵan sot otyrysyna kedergi keltiretin qylmystyq is júrgizý zańyn buzýǵa jol berilmeidi.
«Iske qatysty prokýrordyń aiyptaý aktisi bekitilgen joq, sottalýshyǵa qatysty taǵaiyndalǵan bultartpaý sharasyn ózgertýge jáne alyp tastaýǵa negiz joq. Qylmys saldarynan keltirilgen shyǵyndardyń ornyn toltyrýdy qamtamasyz etetin sharalar jáne múlikti tárkileý múmkindigi qabyldanǵan. Qarsylyq túsken joq. Sotqa deiingi óndiris barysynda kúdiktiń qorǵaýshysy retinde advokat qatysty. Onyń iske qatysýyna kedergi keltiretin jait joq», - delingen taratylǵan aqparatta.
Esterińizge sala ketsek, osy jyldyń 16 qańtarynda QR Ulttyq qaýipsizdik komiteti Pavlodar oblysynyń ákimi Bolat Baqaýovqa qatysty qylmystyq isti tergep jatqany belgili bolǵan edi.
«Ulttyq qaýipsizdik komiteti 2020 jylǵy 15 qańtarda Pavlodar oblysynyń ákimi Bolat Baqaýovqa qatysty laýazymdyq ýákilettigin asyra paidalaný faktisi boiynsha QR QK-niń 362-baby 2-bóligi 3-tarmaǵy boiynsha tirkelgen qylmystyq iske sáikes jedel-tergeý sharalaryn júrgizdi. Qazirgi ýaqytta tergeý amaldary jalǵasýda. Osy kezeńde tergeý múddesine orai tolyq derekter jariialanýǵa jatpaidy», - delingen UQK aqparatynda.
Bolat Baqaýov 18 aqpannan beri úiqamaqta otyr.
Sáýirde ony úiqamaqta ustaý merzimi mamyr aiyna deiin sozyldy.
