پاۆلودار وبلىسىنىڭ بۇرىنعى ەكٸمٸ بولات باقاۋوۆتٸڭ ٸسٸ بويىنشا نەگٸزگٸ سوت تالقىلاۋى 27 مامىرعا بەلگٸلەندٸ, دەپ حابارلايدى "ۇلت اقپارات".
«قىلمىستىق كودەكستٸڭ 361-بابى 4-بٶلٸگٸ 3-تارماعىندا كٶزدەلگەن قىلمىستىق قۇقىق بۇزۋشىلىققا ايىپتالىپ وتىرعان بوقاۋوۆ بولات جۇمابەكۇلىنا قاتىستى قىلمىستىق ٸس سوت ٶندٸرٸسٸنە الىندى. نەگٸزگٸ سوت تالقىلاۋى سوتتالۋشىنىڭ, مەملەكەتتٸك ايىپتاۋشىنىڭ جەنە قورعاۋشى ادۆوكاتتىڭ قاتىسۋىمەن 2020 جىلدىڭ 27 مامىرى كٷنٸ ساعات 10.00-گە پاۆلودار قالالىق №2 سوتىنىڭ عيماراتىندا اشىق سوت وتىرىسىندا كەلٸسٸمدٸ ٶندٸرٸستە بەلگٸلەنسٸن. سوتتالۋشىعا قاتىستى تاڭداپ الىنعان بۇلتارتپاۋ شاراسى سول قالپىندا قالسىن», - دەلٸنگەن پاۆلودار وبلىستىق سوتىنىڭ سايتىندا جارييالانعان پاۆلودار قالالىق №2 سوتىنىڭ قاۋلىسىندا.
سونىمەن قاتار اتالعان قۇجاتتا ٸس بويىنشا ٶندٸرٸستٸ قىسقارتۋعا نەمەسە توقتاتا تۇرۋعا الىپ كەلەتٸن ەشقانداي نەگٸز جوق ەكەندٸگٸ اتالىپ ٶتٸلگەن. پروتسەسسۋالدىق كەلٸسٸم جاساۋ بارىسىندا تاعايىندالعان سوت وتىرىسىنا كەدەرگٸ كەلتٸرەتٸن قىلمىستىق ٸس جٷرگٸزۋ زاڭىن بۇزۋعا جول بەرٸلمەيدٸ.
«ٸسكە قاتىستى پروكۋروردىڭ ايىپتاۋ اكتٸسٸ بەكٸتٸلگەن جوق, سوتتالۋشىعا قاتىستى تاعايىندالعان بۇلتارتپاۋ شاراسىن ٶزگەرتۋگە جەنە الىپ تاستاۋعا نەگٸز جوق. قىلمىس سالدارىنان كەلتٸرٸلگەن شىعىنداردىڭ ورنىن تولتىرۋدى قامتاماسىز ەتەتٸن شارالار جەنە مٷلٸكتٸ تەركٸلەۋ مٷمكٸندٸگٸ قابىلدانعان. قارسىلىق تٷسكەن جوق. سوتقا دەيٸنگٸ ٶندٸرٸس بارىسىندا كٷدٸكتٸڭ قورعاۋشىسى رەتٸندە ادۆوكات قاتىستى. ونىڭ ٸسكە قاتىسۋىنا كەدەرگٸ كەلتٸرەتٸن جايت جوق», - دەلٸنگەن تاراتىلعان اقپاراتتا.
ەستەرٸڭٸزگە سالا كەتسەك, وسى جىلدىڭ 16 قاڭتارىندا قر ۇلتتىق قاۋٸپسٸزدٸك كوميتەتٸ پاۆلودار وبلىسىنىڭ ەكٸمٸ بولات باقاۋوۆقا قاتىستى قىلمىستىق ٸستٸ تەرگەپ جاتقانى بەلگٸلٸ بولعان ەدٸ.
«ۇلتتىق قاۋٸپسٸزدٸك كوميتەتٸ 2020 جىلعى 15 قاڭتاردا پاۆلودار وبلىسىنىڭ ەكٸمٸ بولات باقاۋوۆقا قاتىستى لاۋازىمدىق ۋەكٸلەتتٸگٸن اسىرا پايدالانۋ فاكتٸسٸ بويىنشا قر قك-نٸڭ 362-بابى 2-بٶلٸگٸ 3-تارماعى بويىنشا تٸركەلگەن قىلمىستىق ٸسكە سەيكەس جەدەل-تەرگەۋ شارالارىن جٷرگٸزدٸ. قازٸرگٸ ۋاقىتتا تەرگەۋ امالدارى جالعاسۋدا. وسى كەزەڭدە تەرگەۋ مٷددەسٸنە وراي تولىق دەرەكتەر جارييالانۋعا جاتپايدى», - دەلٸنگەن ۇقك اقپاراتىندا.
بولات باقاۋوۆ 18 اقپاننان بەرٸ ٷيقاماقتا وتىر.
سەۋٸردە ونى ٷيقاماقتا ۇستاۋ مەرزٸمٸ مامىر ايىنا دەيٸن سوزىلدى.
