«Bolashaq» túlegi qaterli isik pen týberkýlezdi bastapqy kezeńde anyqtaý ádisin oilap tapty. Bul týraly QR Memlekettik hatshysy Gúlshara Ábdiqalyqova BARSEF – «Bolashaq» badarlamasynyń III halyqaralyq konferentsiiasynda aitty, dep habarlaidy "Ult aqparat" Baq.kz portalyna silteme jasap.
«Bolashaq» jobasy – bolashaq basqarýshylar men álemdik deńgeidegi mamandardy daiyndaýǵa quiylatyn prezidenttik investitsiia. Baǵdarlama bekitilgennen bastap 15 myńnan astam stipendiia berilip, 8,5 myńnan astam maman daiarlandy. Baǵdarlamanyń arqasynda jyldan-jylǵa joǵary bilikti mamandar qatary artyp, eldiń eńbek jáne ǵylymi áleýeti nyǵaiýda. Olar qazaqstandyq ǵylym men ekonomikany damytýǵa úlken úles qosyp keledi», - dedi G.Ábdiqalyqova.
Memlekettik hatshy «Bolashaq» stýdentteri aýyl sharýashylyǵy, meditsina, óner salasynda jańalyqtar ashqanyn atap ótti.
«AQSh-ta doktorantýrany bitirgen, qazir Nazarbaev Ýniversitetinde ǵylymi qyzmetker bolyp jumys isteitin Damira Qanaeva qaterli isik pen týberkýlez diagnozyn bastapqy kezeńde dál anyqtaýǵa múmkindik beretin optikalyq biosensor oilap tapqan. Bul ádispen aýrý birneshe saǵatta anyqtalady. Al Germaniianyń ýniversitettik klinikasynda bilim alyp, ordinatýrasynda oqyǵan balalar kardiohirýrgi Dmitrii Gorbýnov júrek aqaýy bar balalarǵa 2 myńnan astam kúrdeli ota jasaǵan», - dep tolyqtyrdy memlekettik hatshy.
.jpeg)