Qazaqstandyq ekonomist Oljas Qudaibergenov elden shyǵarylatyn ofshorlar, jańa Qazaqstan ekonomikasynyń damý bolashaǵy men biznes, iri kompaniialardyń qyzmetine qatysty pikir bildirdi, dep habarlaidy QazAqparat.
«Endi bizneste ashyq jáne ádil oiyn erejeleri bolady. Jáne ádil oiyn monopoliiaǵa qarsy kúres, memlekettik sektor men iri jeke sektorlarǵa da qatysty. Reformalar negizgi úsh baǵyt boiynsha júredi. Ol - sybailas jemqorlyqqa qarsy kúres, sot júiesi jáne ákimshilik reforma. Barlyq jerde kadrlar jańarady, ózgeristiń negizi jeke sektordan jańa adamdardyń kelýine bailanysty. Sonymen qatar, memlekettik organdardyń jeke biznes ókilderimen sheksiz sottasý tájiribesi toqtatylady. Eger memlekettik organ birinshi instantsiiada jeńilse, ary qarai shaǵymdanbaýy yqtimal», - dedi Oljas Qudaibergenov.
Onyń aitýynsha, biznes pen iri kompaniialardyń qarapaiym halyq qamyn oilaityn ýaqyty jetti.
«Aqshany ofshorǵa shyǵarýǵa tosqaýyl qoiylyp, elge kapitaldy qaitarý jumysy jandanady. Sonymen qatar «ishten taýyp – syrtta jumsaý» degen eski mádenietti joiý kerek. Bolashaǵyn Qazaqstanmen bailanystyratyndar qarjysyn el ishinde investitsiialaýy kerek. Salyq tóleýden jaltarǵan iri kompaniialar muny toqtatýy tiis. Budan bylai Úkimetpen qatar biznes te el bolashaǵy úshin jaýapty. Iri kompaniialar «Qazaqstan halqyna» qoryna turaqty túrde qarjy aýdaratyn bolady», - deidi ol.
