Bokstan jasóspirimder Olimpiadasynyń chempiony Nadejda Riabets ádilettikti talap etetinin aityp, jelide jazba qaldyrdy, dep habarlaidy Ulysmedia.kz.
“Ádildikti talap etemin. Men elimizdiń namysyn birneshe ret qorǵaǵan sportshy, Álem, Aziia chempionymyn, jasóspirimder Olimpiadasynyń qola júldegeri, Tokiodaǵy Olimpiada oiyndarynyń jalǵyz qatysýshysy retinde sizdermen bokstan Qazaqstan Respýblikasynyń áielder quramasyndaǵy ádiletsizdikpen bóliskim keledi.
Bizdiń quramada sporttyq printsipter joq. Jaqynda Iordaniiadaǵy áielder arasyndaǵy bokstan Aziia chempionaty bastalady. Quram áli jasaqtalmady. Búkil Qurama bas bapkerdiń nieti men qalaýy týraly habardar. Aldaǵy jiyndarda úzdikterdi anyqtaityn sparringter ótkizilmegen. Chempionatqa qatystyrylyp jatqan keibir sportshylar jiyndarǵa múldem qatyspaidy.
Beinejazbada meniń 66 keli salmaqta Aziia chempionatynda óner kórsetetin Madina Nurshaevamen judyryqtasqanym kórsetilgen.
Onyń durys daiyndyǵy bolmasa, jarysqa nege attanady dep oilaisyzdar? Jaýap aiqyn: ol – bas bapkerdiń shákirti.
Bas jattyqtyrýshynyń jeke ambitsiiasy ulttyq múddelerden joǵary.Men úndemei otyra almaimyn. Bul beibereketsizdik erte me, kesh pe toqtaý kerek. Ulttyq quramada tártip ornatatyn adam bolady dep senemin. Kúsh shyndyqta!», - dep jazdy sportshy.
