بوكستان جاسٶسپٸرٸمدەر وليمپياداسىنىڭ چەمپيونى نادەجدا ريابەتس ەدٸلەتتٸكتٸ تالاپ ەتەتٸنٸن ايتىپ, جەلٸدە جازبا قالدىردى, دەپ حابارلايدى Ulysmedia.kz.
“ەدٸلدٸكتٸ تالاپ ەتەمٸن. مەن ەلٸمٸزدٸڭ نامىسىن بٸرنەشە رەت قورعاعان سپورتشى, ەلەم, ازييا چەمپيونىمىن, جاسٶسپٸرٸمدەر وليمپياداسىنىڭ قولا جٷلدەگەرٸ, توكيوداعى وليمپيادا ويىندارىنىڭ جالعىز قاتىسۋشىسى رەتٸندە سٸزدەرمەن بوكستان قازاقستان رەسپۋبليكاسىنىڭ ەيەلدەر قۇراماسىنداعى ەدٸلەتسٸزدٸكپەن بٶلٸسكٸم كەلەدٸ.
بٸزدٸڭ قۇرامادا سپورتتىق پرينتسيپتەر جوق. جاقىندا يوردانيياداعى ەيەلدەر اراسىنداعى بوكستان ازييا چەمپيوناتى باستالادى. قۇرام ەلٸ جاساقتالمادى. بٷكٸل قۇراما باس باپكەردٸڭ نيەتٸ مەن قالاۋى تۋرالى حاباردار. الداعى جيىنداردا ٷزدٸكتەردٸ انىقتايتىن سپاررينگتەر ٶتكٸزٸلمەگەن. چەمپيوناتقا قاتىستىرىلىپ جاتقان كەيبٸر سپورتشىلار جيىندارعا مٷلدەم قاتىسپايدى.
بەينەجازبادا مەنٸڭ 66 كەلٸ سالماقتا ازييا چەمپيوناتىندا ٶنەر كٶرسەتەتٸن مادينا نۇرشاەۆامەن جۇدىرىقتاسقانىم كٶرسەتٸلگەن.
ونىڭ دۇرىس دايىندىعى بولماسا, جارىسقا نەگە اتتانادى دەپ ويلايسىزدار? جاۋاپ ايقىن: ول – باس باپكەردٸڭ شەكٸرتٸ.
باس جاتتىقتىرۋشىنىڭ جەكە امبيتسيياسى ۇلتتىق مٷددەلەردەن جوعارى.مەن ٷندەمەي وتىرا المايمىن. بۇل بەيبەرەكەتسٸزدٸك ەرتە مە, كەش پە توقتاۋ كەرەك. ۇلتتىق قۇرامادا تەرتٸپ ورناتاتىن ادام بولادى دەپ سەنەمٸن. كٷش شىندىقتا!», - دەپ جازدى سپورتشى.
