Bokstan Qazaqstan quramasynyń bas bapkeri Ǵalymbek Kenjebaev Aziia chempionatyna qatysatyn sportshylar tizimin jariialady, dep habarlaidy QazAqparat.
QR Ulttyq Olimpiadalyq komitetinen málim etkendei, Tailandtyń Bangkok qalasynda ótetin qurlyqtyq dodasyna Qazaqstan tolyq qurammen qatysady.
El namysyn qorǵaityn sportshylar:
49 keli - Temirtas Júsipov
52 keli - Ánýar Muzaparov
56 keli - Qairat Eráliev
60 keli - Zákir Safiýllin
64 keli - Sanatáli Toltaev
69 keli - Aslanbek Shymbergenov
75 keli - Tursynbai Qulahmet
81 keli - Bek Nurmaǵanbet
91 keli - Vasilii Levit
+91 keli - Qamshybek Qońqabaev
«Aziia chempionaty qarsańynda boksshylardyń barlyǵyna úlken mindet qoiyp otyrmyz. Barlyq salmaqta da júldege talasatyn bolamyz. Týrnir aldynda Almatyda qysqamerzimdi oqý-jattyǵý jiyny ótedi. Bári sátimen ótip jatsa, qurlyq dodasynan júldesiz qalmaimyz degen oidamyn. Aziiadaǵy bokstyń qarqyny joǵary ekenin bilesizder. Bizge Ózbekstan, Tailand, Úndistan, Filippin sportshylary basty qarsylas atanbaq. Sary qurlyq synynda álem chempionatyna joldama jeńip alýǵa tyrysamyz», - dedi bas bapker Ǵalymbek Kenjebaev.
