Bokstan Qazaqstan erler quramasynyń kapitany Abylaihan Júsipov álem chempionatyn jeńispen bastady, dep habarlaidy "Ult aqparat".
Búgin Serbiia astanasy Belgrad qalasynda bokstan erler arasyndaǵy álem chempionaty bastaldy.
67 kelide sharshy alańǵa shyqqan otandasymyz Abylaihan Júsipov osy básekedegi alǵashqy jeńisine qol jetkizdi. Dúniejúzilik birinshiliktiń birinshi ainalymynda ol Taibei sportshysy Iu Linnen basym tústi.
Jekpe-jek tóreshiler sheshimimen 5:0 esebimen aiaqtalyp, Júsipov kelesi kezeńge ótti.
Abylaihannyń endigi qarsylasy Venesýela sportshysy Kristian Tomas bolady.
Aita keteiik, bul salmaq boiynsha 1/16 finaly 28 qazanǵa josparlanǵan.
