Qazaqstandyq Aslanbek Shymbergenov Iordaniia astanasy Amman qalasynda ótip jatqan bokstan Aziia chempionatynda altyn aldy, dep habarlaidy "Ult aqparat".
Qurlyqtyq dodada 71 kelide synǵa túsken Aslanbek finalda iordaniialyq Zeiad Ishaishty jeńdi. Úsh raýnd qorytyndysy boiynsha tóreshiler jeńisti qazaq boksshysyna berdi.
Aita keteiik, Shymbergenov sharshy alań qojaiynyn birinshi raýndta nokdaýnǵa túsirdi. Al úshinshi raýndta tóreshi "qarsylasty ustadyń" dep bizdiń boksshydan bir upai shegerdi.
Budan buryn el quramasynan Sanjar Táshkenbai (48 keli) Aziia chempiony atansa, Sáken Bibosynov (51 keli), Mahmýd Sabyrhan (54 keli), Serik Temirjanov (57 keli), Dýlat Bekbaýov (67 keli) kúmis medaldi qanaǵat tutty.
