Eldiń aqparat keńistigindegi qazaq tiliniń úlesi sońǵy osy ǵasyr bastalǵaly 15-18% deńgeiinde qozǵalmai tur. Bul, memlekettik tilge degen memlekettik organdardyń solaqai saiasatynyń saldary.
Mysaly, elde shyǵatyn 5 myńnan astam gazet-jornaldardyń 550-deii ǵana qazaq tilinde. Almatydaǵy bala-baqshanyń 10 paiyzdaiy ǵana qazaqsha... Astananyń da ońyp turǵany shamaly. Onda qazaqsha gazet-jornal satatyn bir ǵana dúńgirshek "Artem" sýpermarketiniń janynda jáne jalǵyz qazaqsha kitap satatyn "Abai" dúkeni oń jaǵalaýda. Esesine Prezident mádeni Ortalyǵyna (Sol jaǵalaýda) kitap izdeitinder "Rýsskii mirǵa" barady.
Sol jaǵalaý ázirge qaraǵaiǵa qarsy bitken butaq bolyp qalýda. Sol jaǵalaýdadaǵy 20 myńnan astam sheneýnikter qazaqsha gazet-jornal, kitap oqymaityn bolǵany ǵoi. Bul jerde astanadaǵy bastyq inisin izdep aýyldan barǵan aǵasynyń sózi eske túsedi. Onda, aǵasy eldiń bar jaǵalyǵyn túgeldei aitypp bolǵannan keiin, "agashka ia vse ponimaiý, no ne mogý govorit" degen inisine, qaraǵym-aý "meniń itim de bárin túsinedi, ol da sóilei almaidy" degeni eske túsedi.
Astana janyndaǵy Aqmola oblysynyń Eńbekshilder aýdanynyń ortalyǵy, Birjan saldyń týǵan aýyly Stepniak dep atalady. Al, Býrabaidyń sanatoriilarynda qazaq telearnalary múldem kórsetpeidi eken. Sonda, ákimder t.b. memlekettik organdar "ai qaraýdan basqa ne isteidi?". Bul, bolashaǵy joq, bodan bolýǵa daiyn otyrǵan memlekettiń alǵysharttary. Osyndai qoǵamda "bodannan qul týady, quldan jetesiz ul týady!". Aldaǵy urpaqtar osyndai teksizder bolmas úshin kúni-túni kúresý kerek. Sebebi, bul korrýptsiiadan da jaman, sanany bilegen rýhani dert. Rýhsyz qoǵam basy birikpeitin quldardan turatyn tobyr bolady.
Januzaq Ákimniń feisbýktaǵy jazbasynan
