ەلدٸڭ اقپارات كەڭٸستٸگٸندەگٸ قازاق تٸلٸنٸڭ ٷلەسٸ سوڭعى وسى عاسىر باستالعالى 15-18% دەڭگەيٸندە قوزعالماي تۇر. بۇل, مەملەكەتتٸك تٸلگە دەگەن مەملەكەتتٸك ورگانداردىڭ سولاقاي ساياساتىنىڭ سالدارى.
مىسالى, ەلدە شىعاتىن 5 مىڭنان استام گازەت-جورنالداردىڭ 550-دەيٸ عانا قازاق تٸلٸندە. الماتىداعى بالا-باقشانىڭ 10 پايىزدايى عانا قازاقشا... استانانىڭ دا وڭىپ تۇرعانى شامالى. وندا قازاقشا گازەت-جورنال ساتاتىن بٸر عانا دٷڭگٸرشەك "ارتەم" سۋپەرماركەتٸنٸڭ جانىندا جەنە جالعىز قازاقشا كٸتاپ ساتاتىن "اباي" دٷكەنٸ وڭ جاعالاۋدا. ەسەسٸنە پرەزيدەنت مەدەني ورتالىعىنا (سول جاعالاۋدا) كٸتاپ ٸزدەيتٸندەر "رۋسسكيي ميرعا" بارادى.
سول جاعالاۋ ەزٸرگە قاراعايعا قارسى بٸتكەن بۇتاق بولىپ قالۋدا. سول جاعالاۋداداعى 20 مىڭنان استام شەنەۋنٸكتەر قازاقشا گازەت-جورنال, كٸتاپ وقىمايتىن بولعانى عوي. بۇل جەردە استاناداعى باستىق ٸنٸسٸن ٸزدەپ اۋىلدان بارعان اعاسىنىڭ سٶزٸ ەسكە تٷسەدٸ. وندا, اعاسى ەلدٸڭ بار جاعالىعىن تٷگەلدەي ايتىپپ بولعاننان كەيٸن, "اگاشكا يا ۆسە پونيمايۋ, نو نە موگۋ گوۆوريت" دەگەن ٸنٸسٸنە, قاراعىم-اۋ "مەنٸڭ يتٸم دە بەرٸن تٷسٸنەدٸ, ول دا سٶيلەي المايدى" دەگەنٸ ەسكە تٷسەدٸ.
استانا جانىنداعى اقمولا وبلىسىنىڭ ەڭبەكشٸلدەر اۋدانىنىڭ ورتالىعى, بٸرجان سالدىڭ تۋعان اۋىلى ستەپنياك دەپ اتالادى. ال, بۋرابايدىڭ ساناتورييلارىندا قازاق تەلەارنالارى مٷلدەم كٶرسەتپەيدٸ ەكەن. سوندا, ەكٸمدەر ت.ب. مەملەكەتتٸك ورگاندار "اي قاراۋدان باسقا نە ٸستەيدٸ?". بۇل, بولاشاعى جوق, بودان بولۋعا دايىن وتىرعان مەملەكەتتٸڭ العىشارتتارى. وسىنداي قوعامدا "بوداننان قۇل تۋادى, قۇلدان جەتەسٸز ۇل تۋادى!". الداعى ۇرپاقتار وسىنداي تەكسٸزدەر بولماس ٷشٸن كٷنٸ-تٷنٸ كٷرەسۋ كەرەك. سەبەبٸ, بۇل كوررۋپتسييادان دا جامان, سانانى بيلەگەن رۋحاني دەرت. رۋحسىز قوعام باسى بٸرٸكپەيتٸن قۇلداردان تۇراتىن توبىر بولادى.
جانۇزاق ەكٸمنٸڭ فەيسبۋكتاعى جازباسىنان
