Qazaqstanda injenerlik baǵyt óte jaqsy damyǵan. Bul týraly búgin «Digital Bridge» halyqaralyq innovatsiialyq forýmy aiasynda BAQ ókilderine suhbat bergen «The Startup Owners Manueal» teń avtory, kásipker Bob Dorf bildirdi, dep habarlaidy QazAqparat.
«Qazaqstanǵa alǵash ret kelip otyrsam da, sizderdiń qol jetkizgen jetistikterińizdi kórip tań qaldym. Keshe 60-tan astam startappen tanysqan edim. Qazaqstannyń bul baǵytta jumys istei bastaýy shabyttandyrady. Elde injenerlik baǵyt óte jaqsy damyǵan eken. Sonyń arqasynda elderińizdiń startaperleri barynsha qarapaiym ári óte tiimdi ádisterdi qoldanady», - dedi ol.
Onyń paiymynsha, bul Qazaqstan úshin óte jaqsy. Sebebi ony arqasynda jańa salalardy damytýǵa múmkinshilik mol.
«Olar oǵan mol energiia jumsap, qomaqty qarajat salady. Nátijesinde onyń jahandyq deńgeide de, Qazaqstan úshin te paidasy mol. Jalpy, Qazaqstanǵa kelýdegi basty maqsatym yntymaqtastyqty odan ary damytý úshin bailanys ornatý boldy», - dedi Bob Dorf.
Aita keteiik, forýmynyń ashylýynda QR Aqparat jáne kommýnikatsiialar ministri Dáýren Abaev Qazaqstan Aziia men Eýropa tehnologiialyq ortalyqtarynyń arasynda altyn kópirge ainalatyndyǵyn aitty. Digital Bridge - Qazaqstandaǵy biylǵy jyly ótip otyrǵan basty innovatsiialyq oqiǵa.
Qatysýshylar forýmnyń dialogtik alańynda tsifrlandyrý salasyndaǵy sońǵy álemdik trendterdi talqylap, aldyńǵy qatarly tájiribelermen jáne biznes-modeldermen bólisedi.
Forýmǵa halyqaralyq IT-qoǵamdastyǵynyń negizgi ókilderi, tehnologiia salasyndaǵy tanylǵan sarapshylar, kásiporyn basshylary, tehnologiialyq kásipkerler, sondai-aq birqatar eldiń memlekettik sektorlarynyń ókilderi, ǵalymdar, tsifrlyq ázirlemeler salasynyń mamandary, venchýrlyq investorlar qatysýda.
Forým aiasynda «Tsifrlyq ekonomika damýynyń jahandyq trendi jóninde dialogy» atty plenarlyq sessiiasy ótedi. Sonymen qatar, sessiia jumysyna QR Premer-Ministri Baqytjan Saǵyntaev, Resei Federatsiiasynyń tsifrlyq damý, bailanys jáne buqaralyq kommýnikatsiialar ministri Konstantin Noskov qatysady dep kútilýde.
.jpeg)