قازاقستاندا ينجەنەرلٸك باعىت ٶتە جاقسى دامىعان. بۇل تۋرالى بٷگٸن «Digital Bridge» حالىقارالىق يننوۆاتسييالىق فورۋمى اياسىندا باق ٶكٸلدەرٸنە سۇحبات بەرگەن «The Startup Owners Manueal» تەڭ اۆتورى, كەسٸپكەر بوب دورف بٸلدٸردٸ, دەپ حابارلايدى قازاقپارات.
«قازاقستانعا العاش رەت كەلٸپ وتىرسام دا, سٸزدەردٸڭ قول جەتكٸزگەن جەتٸستٸكتەرٸڭٸزدٸ كٶرٸپ تاڭ قالدىم. كەشە 60-تان استام ستارتاپپەن تانىسقان ەدٸم. قازاقستاننىڭ بۇل باعىتتا جۇمىس ٸستەي باستاۋى شابىتتاندىرادى. ەلدە ينجەنەرلٸك باعىت ٶتە جاقسى دامىعان ەكەن. سونىڭ ارقاسىندا ەلدەرٸڭٸزدٸڭ ستارتاپەرلەرٸ بارىنشا قاراپايىم ەرٸ ٶتە تيٸمدٸ ەدٸستەردٸ قولدانادى», - دەدٸ ول.
ونىڭ پايىمىنشا, بۇل قازاقستان ٷشٸن ٶتە جاقسى. سەبەبٸ ونى ارقاسىندا جاڭا سالالاردى دامىتۋعا مٷمكٸنشٸلٸك مول.
«ولار وعان مول ەنەرگييا جۇمساپ, قوماقتى قاراجات سالادى. نەتيجەسٸندە ونىڭ جاھاندىق دەڭگەيدە دە, قازاقستان ٷشٸن تە پايداسى مول. جالپى, قازاقستانعا كەلۋدەگٸ باستى ماقساتىم ىنتىماقتاستىقتى ودان ارى دامىتۋ ٷشٸن بايلانىس ورناتۋ بولدى», - دەدٸ بوب دورف.
ايتا كەتەيٸك, فورۋمىنىڭ اشىلۋىندا قر اقپارات جەنە كوممۋنيكاتسييالار مينيسترٸ دەۋرەن اباەۆ قازاقستان ازييا مەن ەۋروپا تەحنولوگييالىق ورتالىقتارىنىڭ اراسىندا التىن كٶپٸرگە اينالاتىندىعىن ايتتى. Digital Bridge - قازاقستانداعى بيىلعى جىلى ٶتٸپ وتىرعان باستى يننوۆاتسييالىق وقيعا.
قاتىسۋشىلار فورۋمنىڭ ديالوگتٸك الاڭىندا تسيفرلاندىرۋ سالاسىنداعى سوڭعى ەلەمدٸك ترەندتەردٸ تالقىلاپ, الدىڭعى قاتارلى تەجٸريبەلەرمەن جەنە بيزنەس-مودەلدەرمەن بٶلٸسەدٸ.
فورۋمعا حالىقارالىق ٸت-قوعامداستىعىنىڭ نەگٸزگٸ ٶكٸلدەرٸ, تەحنولوگييا سالاسىنداعى تانىلعان ساراپشىلار, كەسٸپورىن باسشىلارى, تەحنولوگييالىق كەسٸپكەرلەر, سونداي-اق بٸرقاتار ەلدٸڭ مەملەكەتتٸك سەكتورلارىنىڭ ٶكٸلدەرٸ, عالىمدار, تسيفرلىق ەزٸرلەمەلەر سالاسىنىڭ ماماندارى, ۆەنچۋرلىق ينۆەستورلار قاتىسۋدا.
فورۋم اياسىندا «تسيفرلىق ەكونوميكا دامۋىنىڭ جاھاندىق ترەندٸ جٶنٸندە ديالوگى» اتتى پلەنارلىق سەسسيياسى ٶتەدٸ. سونىمەن قاتار, سەسسييا جۇمىسىنا قر پرەمەر-مينيسترٸ باقىتجان ساعىنتاەۆ, رەسەي فەدەراتسيياسىنىڭ تسيفرلىق دامۋ, بايلانىس جەنە بۇقارالىق كوممۋنيكاتسييالار مينيسترٸ كونستانتين نوسكوۆ قاتىسادى دەپ كٷتٸلۋدە.
.jpeg)