Blokposta bolǵan jol apatynda eki adamnyń ómirin qiǵan Azat Azamatov 10 jylǵa sottaldy, dep habarlaidy "Ult aqparat".
Qarasai aýdandyq soty burynǵy politsiia qyzmetkeri Azat Azamatovty QR QK 345-babymen aiypty dep taýyp, 10 jylǵa bas bostandyǵynan aiyrdy.
Ol jazasyn qaýiptiligi orta dárejedegi túzeý mekemesinde óteitin boldy.
Sýdia Azamatovtyń kinási tolyǵymen kýágerlerdiń sózimen, saraptama qorytyndysymen dáleldengenin aitty.
«QR QK 345-babynyń 1-babynyń 4-bólimimen 10 jylǵa deiin bas bostandyǵynan aiyrý jazasy kózdelgen. Aiyptaý aktisinde jazany aýyrlatý jaǵdailary aitylmady. Bul jaǵdailardy sot ózi alǵa tarta almaidy. Soǵan bailanysty sot prokýrorǵa aiyptaý aktisine ózgeris engizý úshin qosymsha ýaqyt bergen bolatyn. Jańa aktide Politsiia basqarmasyna keltirilgen iri kólemdegi shyǵyn týraly jazylǵan. Sýdia bul aýyrlatý jaǵdailaryn eskere otyryp maksimaldy 10 jylǵa bas bostandyǵynan aiyrdy. Bul atalǵan bap boiynsha eń shekti jaza», - dedi sotta.
Azamatov ómir boiy kólik aidaý quqyǵynan airyldy. Sýdia jábirlenýshilerdiń azamattyq shaǵymyn túgel qanaǵattandyrdy.
Endi ol jábirlenýshilerge 66 mln teńge kóleminde moraldyq jáne materialdyq ótemaqy berýge mindetteldi.
Eske salsaq, 25 mamyrda tańerteń BMW júrgizýshisi Almaty oblysynyń №4 blokpostyn soǵyp ketken bolatyn. Jol apatynan politsiia qyzmetkerleri Jaras Janǵaziev pen Dastan Abdyqanov qaitys boldy. Sondai-aq, úshinshi politsiia qyzmetkeri Erbulan Seidazym jaraqat alyp, aýrýhanadan jazylyp shyqty.
