Bloger Aleksei Lodochnikov sý tasqynynan zardap shekkenderge kómektesý úshin halyqtan aqsha jinaý maqsatynda "sbor" ashqan ózge blogerlerdi synǵa aldy.
Aitýynsha, "Qazaqstan halqyna", "Biz birgemiz" degen siiaqty qorlar bar jáne aqsha jinaý úshin solar jetkilikti.
"Qazir elimizdiń kóptegen oblystarynda, qalalarynda sý tasqyny bolyp jatyr. Osyǵan bailanysty qazir barlyǵy, eki blogerdiń biri "sbor" ashyp jatyr. Kúni keshe kórdim, blogerlerdiń bári jinalyp, "qiyn-qystaý qily zamanda" degen ándi qystyryp qoiyp, "bir-birimizge kómekteseiik, osyǵan bailanysty aqsha jinaimyz" dep jatyr. Men bul “sborlardyń” nege ashylyp jatqanyn túsinbeimin. Onsyzda Úkimet bárin istep jatyr, Toqaevtyń ózi "biz bárine kómektesemiz, úiip salyp beremiz, joǵaltqanymyzdyń ornyn toltyramyz” dedi. Eldegi kóptegen iri kompaniialar milliardtaǵan qarjy bólip jatyr. Meniń oiymsha, sanap qarasaq osynyń ózi jetkilikti ǵoi", – dedi Lodochkinov áleýmettik jelide jariialaǵan videosynda.
Lodochkinov blogerlerdi óz qarajattarynan aqsha jinaýǵa shaqyrdy.
"Negizi blogerler kedei halyq emes. Instagram paraqshalaryn ashyp qarasańyz, bireýlerinde bes kólik, basqalary keide milliondap, milliardtap tabys tabamyz dep maqtanady. Onyń ornyna blogerler jinalyp, óz aralaryńyzda aqsha jinap: "bul barlyq blogerler atynan halyqqa kómek bolsyn" dep berińizder", – dedi Lodochnikov.
Bloger osyndai "sborda" jinalǵan aqsha úshin eshkim esep bermeitinin aitty.
"Bir kezderi blogerlerdiń barlyǵy “giv” arqyly aqsha jinady, al qazir osy sborlardyń arqasynda aqsha jinap jatyrsyzdar. Esep berý degen joq. "5 million, 10 million teńge jinadyq" dep aita salady. Biraq olardyń naqty qansha jinaǵanyn eshkim bilmeidi. "Qazaqstan halqyna", "Biz birgemiz" degen siiaqty qorlar jetkilikti. Halyqtan aqsha jinaýdy doǵarý kerek", – dedi bloger.
