AQSh memlekettik hatshysy Entoni Blinken Qazaqstan halqyn memlekettik mereke - Respýblika kúnimen quttyqtady. - dep habarlaidy "Ult aqparat".
"Amerika Qurama Shtattarynyń atynan Qazaqstan halqyn jaqynda jariialanǵan 25 qazan – Respýblika kúnimen shyn júrekten quttyqtaimyn. AQSh Qazaqstannyń egemendigi, táýelsizdigi jáne aýmaqtyq tutastyǵyna beiildiligin qýattaidy jáne aldaǵy jyldary qarym-qatynasymyz odan ári nyǵaia túsetinine úmittimiz.
Respýblika kúni Qazaqstannyń táýelsizdigin jariialaýǵa arnalǵan. Táýelsizdik alǵannan beri Qazaqstan iadrolyq qarýdy taratpaý, qarýsyzdaný jáne halyqaralyq beibitshilik pen qaýipsizdik jolyndaǵy kúsh-jigerdi ilgeriletetin jahandyq dialogtyń kóshbasshysy bolyp tabylady. AQSh Qazaqstannyń reformalyq kún tártibin tolyqtai qoldaidy jáne olardyń naqty, aiqyn áreketter arqyly tutastai júzege asyrylýyn maquldaimyz. Qazaqstan Ortalyq Aziia júreginde ekonomika jáne kommertsiiada baǵaly seriktes bolyp tabylady jáne biz onyń óńirdegi ortaq maqsattarǵa jetýdegi belsendi rólin baǵalaimyz.
AQSh Qazaqstannyń táýelsizdigin moiyndaǵan alǵashqy elderdiń biri boldy jáne biz Qazaqstan halqymen 31 jyldyq berik dostyǵymyzdy maqtan tutamyz", - delingen quttyqtaý hatynda.
