Er adam kiikterden kesip alynǵan 68 múiizdi alyp bara jatqan jerinen ustaldy, dep habarlaidy "Ult aqparat" QR AShM-niń Orman jáne ańshylyq sharýashylyǵy komitetiniń baspasóz hatshysy Sáken Dildahmetke silteme jasap.
Ol óziniń Facebook paraqshasynda reid jumystary barysynda «Ohotzooprom» mekemesiniń inspektorlary 6 sáýir kúni saǵat 19-00-de «Qaztalovka-Jánibek» trassasynyń boiynan Jánibek aýdanynyń 26 jastaǵy er azamaty basqaryp bara jatqan «Folksvagen-Golf» kóligin toqtatqandyǵyn jazdy.
«Onyń kóligin tekserý barysynda kiikterden kesip alynǵan 68 múiiz tabyldy», - dep habarlady Sáken Dildahmet.
Atalǵan fakti boiynsha, Qaztalov aýdandyq AIIB QR QK-niń 339 baby boiynsha qylmystyq is qozǵady.
