Batys Qazaqstan oblysynda aýyl turǵynynan 100-den astam kiik múiizi tárkilendi, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa 12 aqpan kúni Bókei ordasy aýdany Bórli aýyly mańynda oryn aldy.
Osy aýdannyń 1990 jylǵy turǵynynan 102 dana kiik múiizi tabyldy.
Atalǵan oqiǵa boiynsha QR QK 339-1-babyna (kiikterdi zańsyz qolǵa túsirý, joiý, sol siiaqty zańsyz qolǵa túsirilgen kiikti nemese onyń derivattaryn, onyń ishinde múiizderin iemdený, saqtaý, ótkizý, ákelý, áketý, jóneltý, tasymaldaý) sáikes sotqa deiingi tergeý amaldary júrgizilýde.
Memleketke keltirilgen shyǵyn anyqtalýda.
Aita keteiik, kúdiktige qatysty Qylmystyq kodekstiń jańa baby qoldanyldy. Bul bap boiynsha onyń múlki tárkilenip, úsh jyldan bes jylǵa deiin bas bostandyǵyn shekteý ne sol merzimge bas bostandyǵynan aiyrý jazasy kesiledi.
Biyl elimizde jańa jyldan bastap brakonerlikke bailanysty zań talaptary qatańdatylǵan bolatyn.
Oblysta zańsyz kiik aýlaý jáne sonymen ainalysyp júrgen qylmystyq toptardyń jolyn kesý baǵytynda BQO politsiia departamentiniń bastyǵy, politsiia general-maiory Maqsuthan Ablazimovtyń buiryǵymen tájiribeli qyzmetkerlerden jedel tergeý toby quryldy. Oǵan departament bastyǵynyń orynbasary, politsiia polkovnigi Asylǵali Meńdiǵalin jetekshilik etedi.
Eske sala keteiik, budan buryn BQO-da brakonerlerdiń 45 kiikti atyp óltirip, óleksesin dalaǵa tastap ketkenin jazǵan bolatynbyz.
