باتىس قازاقستان وبلىسىندا اۋىل تۇرعىنىنان 100-دەن استام كيٸك مٷيٸزٸ تەركٸلەندٸ, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا 12 اقپان كٷنٸ بٶكەي ورداسى اۋدانى بٶرلٸ اۋىلى ماڭىندا ورىن الدى.
وسى اۋداننىڭ 1990 جىلعى تۇرعىنىنان 102 دانا كيٸك مٷيٸزٸ تابىلدى.
اتالعان وقيعا بويىنشا قر قك 339-1-بابىنا (كيٸكتەردٸ زاڭسىز قولعا تٷسٸرۋ, جويۋ, سول سيياقتى زاڭسىز قولعا تٷسٸرٸلگەن كيٸكتٸ نەمەسە ونىڭ دەريۆاتتارىن, ونىڭ ٸشٸندە مٷيٸزدەرٸن يەمدەنۋ, ساقتاۋ, ٶتكٸزۋ, ەكەلۋ, ەكەتۋ, جٶنەلتۋ, تاسىمالداۋ) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
مەملەكەتكە كەلتٸرٸلگەن شىعىن انىقتالۋدا.
ايتا كەتەيٸك, كٷدٸكتٸگە قاتىستى قىلمىستىق كودەكستٸڭ جاڭا بابى قولدانىلدى. بۇل باپ بويىنشا ونىڭ مٷلكٸ تەركٸلەنٸپ, ٷش جىلدان بەس جىلعا دەيٸن باس بوستاندىعىن شەكتەۋ نە سول مەرزٸمگە باس بوستاندىعىنان ايىرۋ جازاسى كەسٸلەدٸ.
بيىل ەلٸمٸزدە جاڭا جىلدان باستاپ براكونەرلٸككە بايلانىستى زاڭ تالاپتارى قاتاڭداتىلعان بولاتىن.
وبلىستا زاڭسىز كيٸك اۋلاۋ جەنە سونىمەن اينالىسىپ جٷرگەن قىلمىستىق توپتاردىڭ جولىن كەسۋ باعىتىندا بقو پوليتسييا دەپارتامەنتٸنٸڭ باستىعى, پوليتسييا گەنەرال-مايورى ماقسۇتحان ابلازيموۆتىڭ بۇيرىعىمەن تەجٸريبەلٸ قىزمەتكەرلەردەن جەدەل تەرگەۋ توبى قۇرىلدى. وعان دەپارتامەنت باستىعىنىڭ ورىنباسارى, پوليتسييا پولكوۆنيگٸ اسىلعالي مەڭدٸعالين جەتەكشٸلٸك ەتەدٸ.
ەسكە سالا كەتەيٸك, بۇدان بۇرىن بقو-دا براكونەرلەردٸڭ 45 كيٸكتٸ اتىپ ٶلتٸرٸپ, ٶلەكسەسٸن دالاعا تاستاپ كەتكەنٸن جازعان بولاتىنبىز.
