Aqsai qalasy Qyzyltal shaǵynaýdanynda 12 úidi sý basty, dep habarlaidy QazAqparat.
BQO TJ departamentiniń baspasóz qyzmeti málim etkenindei, bul týraly habar 1 sáýir kúni saǵat 23.55-te kelip túsken.
Sý basqan úilerden 8 adam evakýatsiialandy, olardyń tórteýi - balalar. Qalǵan turǵyndar týystarynyń úilerine ornalastyryldy.
Oqiǵa ornynda 83 adam 30 tehnikamen jumys jasap jatyr.
Departamentten túsken málimetke qaraǵanda, oblysta Qaratóbe jáne Shyńǵyrlaý aýdanynda tótenshe jaǵdai jariialanyp, qujattar ádilet organdaryna tirkeýge jiberildi.
«Qazirgi ýaqytta úsh aýdanda 175 adam (52 tehnika, 2 júzý quraly, 12 motopompa) sý tasqynymen kúreske jumyldyrylǵan», dep habarlady vedomstvodan.
