- Bókei ordasy aýdanynyń Uialy, Saraljyn jáne T.Masin aýyldyq okrýgteri jańa jyldy jaryqsyz qarsy aldy, dep habarlaidy Ult.kz tilshisi QazAqparat agenttigine silteme jasap.
Uialy aýyldyq okrýginiń ákimi Baqytjan Orazǵulovtyń aitýynsha, elektr jaryǵy 31 jeltoqsan kúni shamamen 22.00-derde sónip, 1 qańtar kúni 03.30-darda qaita jandy. Kórshiles Saraljyn, T.Masin okrýgterinde de osyndai jaǵdai oryn aldy.
«Bókei ordasy aýdanynyń úsh aýyldyq okrýginde jaryqtyń sónip qalǵany ras. Arnaiy brigada shyǵyp, joǵary kerneýli elektr jelisindegi aqaýdy jóńdep, qaita qosty. Bórli aýdanynda da birneshe saǵatqa elektr jaryǵy sónip qalǵan jerler bar. Búgin tańerteń saǵat 08.00-de Oralǵa qarasty Derkól aýylynyń teń jartysy jaryqsyz qaldy. Qazir jóńdeý jumystary júrgizilýde. Kúnniń jylynyp, elektr symdaryna muzdyń qatýyna bailanysty áli de osyndai jaǵdailar bolýy yqtimal. Sondyqtan brigadalar jan-jaqqa shyǵyp, jumystanýda», dedi tilshi suraǵyna jaýap bergen «Batys Qazaqstan elektr jelilerin taratý kompaniiasy» AQ basqarma tóraǵasy - direktory Qýat Mýsin.
