- بٶكەي ورداسى اۋدانىنىڭ ۇيالى, سارالجىن جەنە ت.ماسين اۋىلدىق وكرۋگتەرٸ جاڭا جىلدى جارىقسىز قارسى الدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ۇيالى اۋىلدىق وكرۋگٸنٸڭ ەكٸمٸ باقىتجان ورازعۇلوۆتىڭ ايتۋىنشا, ەلەكتر جارىعى 31 جەلتوقسان كٷنٸ شامامەن 22.00-دەردە سٶنٸپ, 1 قاڭتار كٷنٸ 03.30-داردا قايتا جاندى. كٶرشٸلەس سارالجىن, ت.ماسين وكرۋگتەرٸندە دە وسىنداي جاعداي ورىن الدى.
«بٶكەي ورداسى اۋدانىنىڭ ٷش اۋىلدىق وكرۋگٸندە جارىقتىڭ سٶنٸپ قالعانى راس. ارنايى بريگادا شىعىپ, جوعارى كەرنەۋلٸ ەلەكتر جەلٸسٸندەگٸ اقاۋدى جٶڭدەپ, قايتا قوستى. بٶرلٸ اۋدانىندا دا بٸرنەشە ساعاتقا ەلەكتر جارىعى سٶنٸپ قالعان جەرلەر بار. بٷگٸن تاڭەرتەڭ ساعات 08.00-دە ورالعا قاراستى دەركٶل اۋىلىنىڭ تەڭ جارتىسى جارىقسىز قالدى. قازٸر جٶڭدەۋ جۇمىستارى جٷرگٸزٸلۋدە. كٷننٸڭ جىلىنىپ, ەلەكتر سىمدارىنا مۇزدىڭ قاتۋىنا بايلانىستى ەلٸ دە وسىنداي جاعدايلار بولۋى ىقتيمال. سوندىقتان بريگادالار جان-جاققا شىعىپ, جۇمىستانۋدا», دەدٸ تٸلشٸ سۇراعىنا جاۋاپ بەرگەن «باتىس قازاقستان ەلەكتر جەلٸلەرٸن تاراتۋ كومپانيياسى» اق باسقارما تٶراعاسى - ديرەكتورى قۋات مۋسين.
