BQO-men shektesetin Reseidiń Orynbor oblysy Pýstobaev aýylynda sý qoimasyndaǵy bóget buzyldy, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa búgin saǵat 16.40-ta bolǵany jóninde Orynbor oblysy boiynsha TJ ministrligi bas basqarmasynyń daǵdarys jaǵdaiynda basqarý ortalyǵy habarlaǵan.
Qoimadaǵy sý kólemi shamamen 8 mln tekshe metrdi quraidy. Shaiylǵan bógettiń eni – 7-8 metr. Sý Eltyshevka, odan Jaiyq ózenine quiylady. Jaiyq ózeni Báiterek aýdany Ianvartsev aýyldyq okrýgi Chinarev aýylynyń janymen aǵady.
Chinarev aýylynda 1 mektep, 1 medpýnkt, 1 shekara zastavasy, 82 úi bar, mal basyn eseptemegende, 223 adam turady. Eldi mekenge ázirge qaýip tónip turǵan joq.
Tasqyn sýdyń aldyn alý baǵytynda Chinarevqa arnaiy tehnikalar men qutqarýshylar, jaýapty adamdar jiberilgen.
