Batys Qazaqstanmen kórshiles Resei oblystarynda koronavirýs órship tur. Bul týraly oblys ákimi Ǵali Esqalievtiń tóraǵalyǵymen ótken keńeste BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaev málim etti, dep habarlaidy QazAqparat.
Mustaevtyń aitýynsha, sońǵy táýlikte Reseide 3 398 adamnan indet anyqtaldy. Sonyń ishinde BQO-men shektesetin Samara oblysynda – 55, Saratovta – 64, Orynborda – 17, Volgogradta – 29, Astrahan óńirinde 38 adamnyń syrqattanǵany tirkeldi.
Batys Qazaqstan oblysynda jyl basynan beri dert juqtyrǵan 9 605 naýqastyń 5 033-i – aýrý belgisi bar, 4 572-si – simptomy joqtar.
Sonyń ishinde qańtarda – 7 098, aqpanda – 2412, naýryzda – 74, mamyrda – 1, maýsymda 4 adamnan koronavirýs tabyldy.
Oblys jasyl aimaqta turǵanymen, shilde aiynda indettiń qaita kóbeie bastaǵany alańdatady. Osy aida 15 naýqastyń 9-y Oral qalasynda, úsheýi Bórli, ekeýi Jańaqala jáne bireýi Báiterek aýdanynda tirkeldi.
«Qazirgi tańda turǵyndardy vaktsinatsiialaý jumysy jalǵasýda. Oblys boiynsha 414 390 adam ekpe alýǵa jatatyn bolsa, sonyń 277 315-i nemese 66,9 paiyzy birinshi, 269 425-i nemese 65 paiyzy ekinshi komponentpen egildi. 200 308 adamnan 99 271-i nemese 49,6 paiyzy revaktsinatsiiadan ótti. Qaitalama revaktsinatsiiadan 15 218 adamnyń 4 548-i nemese 29,9 paiyzy ótti. Pfizer vaktsinasymen jasóspirimder, júkti jáne bala emizetin áielder egilýde. Kúni búgin 63 765 adamnyń 18 122-si nemese 28,4 paiyzy I, 16 582-si nemese 26 paiyzy II komponentti qabyldady», dedi Mustaev.
