Jetinshi shaqyrylymdaǵy oblystyq máslihattyń birinshi sessiiasy bolyp, jańadan hatshy sailandy, dep habarlaidy "Ult aqparat".
Oblystyq sailaý komisssiiasynyń tóraǵasy Ǵaisa Qapaqov sailaý qorytyndysyn jariia etip, depýtattarǵa mandattar men tósbelgilerin tabys etti.
Sessiiaǵa qatysqan oblys ákimi Ǵali Esqaliev osyǵan deiin halyq qalaýlysy bolǵandarǵa jemisti qyzmeti úshin rizashylyǵyn bildirip, jańa quramǵa tabys tiledi.
«Alda turǵan bes jyl merzim ishinde memlekettik saiasatty júzege asyrý maqsatynda kóp is tyndyrýymyz kerek. Turǵyndardyń jaily ómir súrýi sizderdiń qandai sheshim qabyldaityndaryńyzǵa bailanysty. Óńirge túbegeili ózgerister kerek. Barlyq saiasi partiia ókilderimen birlese qyzmet atqarýǵa daiynbyz. Bul rette máslihattyń róli erekshe», dedi óńir basshysy.
Máslihat hatshysy bolyp osyǵan deiin BQO ákiminiń keńesshisi qyzmetin atqarǵan Bibigúl Qonysbaeva sailandy.
Sondai-aq tórt turaqty komissiialardyń quramy men tóraǵalary bekitildi.
Depýttattyq quram edáýir jańardy. Atap aitqanda, 31 depýtattyń 21-i jańadan sailandy. «Nur Otan» 25, «Aýyl» men «Aq jol» partiialary úsh-úshten mandat aldy.
Eske sala keteiik, budan buryn BQO-nyń depýtattyǵyna kimder sailanǵanyn jazǵan bolatynbyz.
Buǵan deiin BQO máslihatynyń hatshysy qyzmetin atqarǵan Málik Qulshar Májilis depýtaty bolyp sailandy.
Sýretterdi túsirgen: Rafhat Halelov
