جەتٸنشٸ شاقىرىلىمداعى وبلىستىق مەسليحاتتىڭ بٸرٸنشٸ سەسسيياسى بولىپ, جاڭادان حاتشى سايلاندى, دەپ حابارلايدى "ۇلت اقپارات".
وبلىستىق سايلاۋ كوميسسسيياسىنىڭ تٶراعاسى عايسا قاپاقوۆ سايلاۋ قورىتىندىسىن جارييا ەتٸپ, دەپۋتاتتارعا مانداتتار مەن تٶسبەلگٸلەرٸن تابىس ەتتٸ.
سەسسيياعا قاتىسقان وبلىس ەكٸمٸ عالي ەسقاليەۆ وسىعان دەيٸن حالىق قالاۋلىسى بولعاندارعا جەمٸستٸ قىزمەتٸ ٷشٸن ريزاشىلىعىن بٸلدٸرٸپ, جاڭا قۇرامعا تابىس تٸلەدٸ.
«الدا تۇرعان بەس جىل مەرزٸم ٸشٸندە مەملەكەتتٸك ساياساتتى جٷزەگە اسىرۋ ماقساتىندا كٶپ ٸس تىندىرۋىمىز كەرەك. تۇرعىنداردىڭ جايلى ٶمٸر سٷرۋٸ سٸزدەردٸڭ قانداي شەشٸم قابىلدايتىندارىڭىزعا بايلانىستى. ٶڭٸرگە تٷبەگەيلٸ ٶزگەرٸستەر كەرەك. بارلىق ساياسي پارتييا ٶكٸلدەرٸمەن بٸرلەسە قىزمەت اتقارۋعا دايىنبىز. بۇل رەتتە مەسليحاتتىڭ رٶلٸ ەرەكشە», دەدٸ ٶڭٸر باسشىسى.
مەسليحات حاتشىسى بولىپ وسىعان دەيٸن بقو ەكٸمٸنٸڭ كەڭەسشٸسٸ قىزمەتٸن اتقارعان بيبٸگٷل قونىسباەۆا سايلاندى.
سونداي-اق تٶرت تۇراقتى كوميسسييالاردىڭ قۇرامى مەن تٶراعالارى بەكٸتٸلدٸ.
دەپۋتتاتتىق قۇرام ەدەۋٸر جاڭاردى. اتاپ ايتقاندا, 31 دەپۋتاتتىڭ 21-ٸ جاڭادان سايلاندى. «Nur Otan» 25, «اۋىل» مەن «اق جول» پارتييالارى ٷش-ٷشتەن ماندات الدى.
ەسكە سالا كەتەيٸك, بۇدان بۇرىن بقو-نىڭ دەپۋتاتتىعىنا كٸمدەر سايلانعانىن جازعان بولاتىنبىز.
بۇعان دەيٸن بقو مەسليحاتىنىڭ حاتشىسى قىزمەتٸن اتقارعان مەلٸك قۇلشار مەجٸلٸس دەپۋتاتى بولىپ سايلاندى.
سۋرەتتەردٸ تٷسٸرگەن: رافحات حالەلوۆ
