Batys Qazaqstan oblysynda 372 bas kiiktiń jappai ólgeni anyqtaldy, dep habarlaidy "Ult aqparat".
Oqiǵa Jánibek aýdany Taý aýyldyq okrýginde (ortalyǵy Qairat aýyly) boldy. Bul týraly turǵyndar áleýmettik jeli arqyly habarlady.
Qairat aýdan ortalyǵy Jánibek aýylynan 30 shaqyrym qashyqtyqta ornalasqan.
Turǵyndardyń sózine qaraǵanda, kiikterdiń ushasy kanal boiynda, sondai-aq dalada jatyr.
BQO orman sharýashylyǵy jáne janýarlar dúniesi aýmaqtyq inspektsiiasynyń basshysy Qairat Qadeshev oqiǵany rastady.
«Inspektorlar jergilikti halyqtyń deregin anyqtady. Budan buryn osy mańda qatty jańbyr men naizaǵai júrip ótken. Kiiktiń ushalaryn teksergen kezde naizaǵaidyń kesip ótken izderi baiqaldy. Qosymsha synamalar alynyp, zertteýge jiberilip jatyr. Barlyǵy 372 bas kiiktiń shyǵynǵa ushyraǵany belgili boldy», - dedi Qadeshev.
