"Batys Qazaqstan oblysynda biylǵy toǵyz aida jalǵan kásipkerlik salasynda 49 qylmystyq is óndiriste bolsa, sonyń 24-i aiaqtalǵan", - dep habarlaidy Ult.kz tilshisi QazAqparat agenttigine silteme jasap.
BQO boiynsha memlekettik kirister departamenti ekonomikalyq tergeýler qyzmeti kóleńkeli ekonomikamen kúres basqarmasynyń basshysy Serik Elgezekovtiń aitýynsha, jalǵan kásipkerlikten kelgen zalal 806,1 mln. teńgeni qurap, múlikti tutqyndaýdy qosa alǵanda, sonyń 87,5 mln. teńgesi nemese 10,8 paiyzy óndirilgen.
Qazirgi kezde jalǵan kásipkerlikti júzege asyrý boiynsha 6, uiymdasqan qylmystyq topty uiymdastyrý men qatysýǵa bailanysty 2 qylmystyq is sotta qaralýda.
Memleketke keltirilgen zalaldy óndirý maqsatynda jalǵan kásipkerlerdiń kontragentterine habarlamalar berý (646) jumysy júrgizilýde. Sonyń nátijesinde 726,3 mln. teńge qosymsha salyq túsip, 387,6 mln. teńge óndirildi.
«Jalǵan kásipkerlikten memleketke orasan zor kólemde zalal keltirilýde. Bul qylmysqa barǵandar QR QK 215-baby boiynsha jaýap beredi. Sonymen qatar naqty oryndalmaǵan jumys kólemi úshin esep-faktýra bergen jeke kásipkerlik nysandary 216-bap boiynsha jaýapqa tartylady», dedi S.Elgezekov.
Aita keteiik, elimiz boiynsha ekonomikalyq tergeýler qyzmeti salasynda biylǵy toǵyz aida 2582 is (ótken jyly osy merzimde - 2204) óndiriste bolsa, sotqa deiingi tergep-tekserýdiń biryńǵai tizilimine 1304 (1922) qylmystyq is tirkelgen. 866 qylmystyq is (33,5 paiyz) aiaqtalyp, sonyń 818-i (31,6 paiyz) sotqa jiberilgen.
