"باتىس قازاقستان وبلىسىندا بيىلعى توعىز ايدا جالعان كەسٸپكەرلٸك سالاسىندا 49 قىلمىستىق ٸس ٶندٸرٸستە بولسا, سونىڭ 24-ٸ اياقتالعان", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
بقو بويىنشا مەملەكەتتٸك كٸرٸستەر دەپارتامەنتٸ ەكونوميكالىق تەرگەۋلەر قىزمەتٸ كٶلەڭكەلٸ ەكونوميكامەن كٷرەس باسقارماسىنىڭ باسشىسى سەرٸك ەلگەزەكوۆتٸڭ ايتۋىنشا, جالعان كەسٸپكەرلٸكتەن كەلگەن زالال 806,1 ملن. تەڭگەنٸ قۇراپ, مٷلٸكتٸ تۇتقىنداۋدى قوسا العاندا, سونىڭ 87,5 ملن. تەڭگەسٸ نەمەسە 10,8 پايىزى ٶندٸرٸلگەن.
قازٸرگٸ كەزدە جالعان كەسٸپكەرلٸكتٸ جٷزەگە اسىرۋ بويىنشا 6, ۇيىمداسقان قىلمىستىق توپتى ۇيىمداستىرۋ مەن قاتىسۋعا بايلانىستى 2 قىلمىستىق ٸس سوتتا قارالۋدا.
مەملەكەتكە كەلتٸرٸلگەن زالالدى ٶندٸرۋ ماقساتىندا جالعان كەسٸپكەرلەردٸڭ كونتراگەنتتەرٸنە حابارلامالار بەرۋ (646) جۇمىسى جٷرگٸزٸلۋدە. سونىڭ نەتيجەسٸندە 726,3 ملن. تەڭگە قوسىمشا سالىق تٷسٸپ, 387,6 ملن. تەڭگە ٶندٸرٸلدٸ.
«جالعان كەسٸپكەرلٸكتەن مەملەكەتكە وراسان زور كٶلەمدە زالال كەلتٸرٸلۋدە. بۇل قىلمىسقا بارعاندار قر قك 215-بابى بويىنشا جاۋاپ بەرەدٸ. سونىمەن قاتار ناقتى ورىندالماعان جۇمىس كٶلەمٸ ٷشٸن ەسەپ-فاكتۋرا بەرگەن جەكە كەسٸپكەرلٸك نىساندارى 216-باپ بويىنشا جاۋاپقا تارتىلادى», دەدٸ س.ەلگەزەكوۆ.
ايتا كەتەيٸك, ەلٸمٸز بويىنشا ەكونوميكالىق تەرگەۋلەر قىزمەتٸ سالاسىندا بيىلعى توعىز ايدا 2582 ٸس (ٶتكەن جىلى وسى مەرزٸمدە - 2204) ٶندٸرٸستە بولسا, سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە 1304 (1922) قىلمىستىق ٸس تٸركەلگەن. 866 قىلمىستىق ٸس (33,5 پايىز) اياقتالىپ, سونىڭ 818-ٸ (31,6 پايىز) سوتقا جٸبەرٸلگەن.
