Batys Qazaqstan oblysynda Báiterek aýdany ákimine sógis jariialandy. Bul týraly oblys basshysy Ǵali Esqaliev koronavirýs infektsiiasyn taratpaý jónindegi jedel shtab otyrysynda málimdedi. Oqiǵa oblys ortalyǵynyń mańyndaǵy jaǵajailardyń birinde bolǵan, - dep habarlaidy Tengrinews.kz.
Jeke jaǵajailardyń birinde jalańashtanǵan jastardyń keshi ótkeni týraly aqparat áleýmettik jelilerde jariialandy. Demalys kúnderi jeke kásipkerler jer telimin jalǵa alyp, jappai is-shara uiymdastyrǵany belgili boldy.
"Báiterek aýdany Trekin aýyldyq okrýgi Jaiyq kentiniń janynda "Vanilnye berega" jaǵajaiynda kesh ótti. Ony jaǵajaidy jalǵa alyp, Oral qalasynyń 21 jastaǵy turǵyny uiymdastyrdy. Bi alańynda ÁQBtK-niń 434-babynda kózdelgen "Usaq buzaqylyq" ákimshilik quqyq buzýshylyq jasalǵan. Tártip buzǵandardyń biri Oral qalasynyń 28 jastaǵy turǵyny ekeni anyqtaldy. Qalǵandaryn anyqtaý boiynsha jumystar júrgizilip jatyr", - dedi Batys Qazaqstan oblysy politsiia departamenti JPQ basqarmasynyń bastyǵy Mirhat Ajenov.
