Biyl kóktemde bolǵan sý tasqyny Batys Qazaqstan oblysyndaǵy aýyldardyń birine zardap keltirgen bolatyn. Úisiz qalǵan aýyl turǵyndarynyń keibiri siyr qorada turǵan. Qaratóbe aýdanynyń ákimi Qadyrjan Súieýǵalievtiń aitýynsha, turǵyndar áli úilerine ornalasa qoiǵan joq, dep jazady Sputnik Qazaqstan agenttigi "Moi gorod" basylymyna silteme jasap.
28 naýryzda erigen qar sýy Qaratóbe aýdany Shalǵyn aýylyndaǵy mektepti qiratty. Bir táýlikten keiin úilerdi sý basyp, turǵyndar kórshiles Qoskól aýylyna kóshirildi.
Basylymnyń habarlaýynsha, tamyz aiynda jýrnalister Shalǵynda bolyp, keibir aýyl turǵyndarynyń siyr qorada turýǵa májbúr bolǵanyn kórgen.
Bilik sý tasqynynan kelgen shyǵyndy 1,6 milliard teńgege baǵalady. Shalǵyn aýylynda 23 jańa úi men 60 oryndyq mektep salý týraly sheshim qabyldandy.
Alaida qazannyń 28-i kúni aýdan ákimi Qadyrjan Súieýǵaliev jańa úilerdiń qurylysy kesteden keshiktirilip jatqanyn habarlady.
"Bastapqyda qarjy bolmaǵandyqtan qurylys kesteden keshigip jatyr. Alaida jańa úilerdi salyp jatqan "Jienbai" JShS qazan aiynyń sońyna deiin qurylysty aiaqtap, kiltterin tapsyrýǵa ýáde berdi. Aýyl turǵyndary qazan aiynyń sońynda jańa úilerge qonystanady", - dedi Qadyrjan Súieýǵaliev brifing barysynda.
Bul másele aýdan basshylyǵynyń erekshe baqylaýynda ekenin, ózi de apta saiyn sol jerge baryp turatynyn jetkizdi.
