بيىل كٶكتەمدە بولعان سۋ تاسقىنى باتىس قازاقستان وبلىسىنداعى اۋىلداردىڭ بٸرٸنە زارداپ كەلتٸرگەن بولاتىن. ٷيسٸز قالعان اۋىل تۇرعىندارىنىڭ كەيبٸرٸ سيىر قورادا تۇرعان. قاراتٶبە اۋدانىنىڭ ەكٸمٸ قادىرجان سٷيەۋعاليەۆتٸڭ ايتۋىنشا, تۇرعىندار ەلٸ ٷيلەرٸنە ورنالاسا قويعان جوق, دەپ جازادى Sputnik قازاقستان اگەنتتٸگٸ "موي گورود" باسىلىمىنا سٸلتەمە جاساپ.
28 ناۋرىزدا ەرٸگەن قار سۋى قاراتٶبە اۋدانى شالعىن اۋىلىنداعى مەكتەپتٸ قيراتتى. بٸر تەۋلٸكتەن كەيٸن ٷيلەردٸ سۋ باسىپ, تۇرعىندار كٶرشٸلەس قوسكٶل اۋىلىنا كٶشٸرٸلدٸ.
باسىلىمنىڭ حابارلاۋىنشا, تامىز ايىندا جۋرناليستەر شالعىندا بولىپ, كەيبٸر اۋىل تۇرعىندارىنىڭ سيىر قورادا تۇرۋعا مەجبٷر بولعانىن كٶرگەن.
بيلٸك سۋ تاسقىنىنان كەلگەن شىعىندى 1,6 ميلليارد تەڭگەگە باعالادى. شالعىن اۋىلىندا 23 جاڭا ٷي مەن 60 ورىندىق مەكتەپ سالۋ تۋرالى شەشٸم قابىلداندى.
الايدا قازاننىڭ 28-ٸ كٷنٸ اۋدان ەكٸمٸ قادىرجان سٷيەۋعاليەۆ جاڭا ٷيلەردٸڭ قۇرىلىسى كەستەدەن كەشٸكتٸرٸلٸپ جاتقانىن حابارلادى.
"باستاپقىدا قارجى بولماعاندىقتان قۇرىلىس كەستەدەن كەشٸگٸپ جاتىر. الايدا جاڭا ٷيلەردٸ سالىپ جاتقان "جيەنباي" جشس قازان ايىنىڭ سوڭىنا دەيٸن قۇرىلىستى اياقتاپ, كٸلتتەرٸن تاپسىرۋعا ۋەدە بەردٸ. اۋىل تۇرعىندارى قازان ايىنىڭ سوڭىندا جاڭا ٷيلەرگە قونىستانادى", - دەدٸ قادىرجان سٷيەۋعاليەۆ بريفينگ بارىسىندا.
بۇل مەسەلە اۋدان باسشىلىعىنىڭ ەرەكشە باقىلاۋىندا ەكەنٸن, ٶزٸ دە اپتا سايىن سول جەرگە بارىپ تۇراتىنىن جەتكٸزدٸ.
