Batys Qazaqstan oblysynda 1 qazan men 20 jeltoqsan aralyǵynda Reseimen shektesetin «Tasqala», «Syrym», «Jánibek» jáne «Aqsai» avtoótkelderinen óńirge 59259 adam ótti, dep habarlaidy "Ult aqparat".
BQO densaýlyq saqtaý basqarmasynan habarlaǵanyndai, sonyń ishinde 1896 adamnyń testileýden ótkeni jóninde anyqtamasy bolǵan joq.
Olardyń bári de jeti kúndik karantinge jatqyzylyp, synama alynǵan kezde 31-inen koronavirýs tabyldy.
Óńirde tranzittik júk tasymaldaityn avtokólikterdiń qozǵalysyn retteý baǵytynda oblystyq jolaýshylar kóligi jáne avtomobil joldary, kásipkerlik jáne indýstrialdyq-innovatsiialyq damý basqarmalary, BQO politsiia departamenti is-qimyl algoritmin jasaqtady.
Soǵan sáikes oblystyq jolaýshylar kóligi jáne avtomobil joldary basqarmasy tranzittik júk kólikteri aialdaityn marshrýtty (Samara-Shymkent jolynda 5 janar-jaǵar mai quiý stansasy – «QazMunaiGaz», «VenOil», «Moskvichi», «Neftek» jáne «Gelios») belgiledi.
Oblystyq kásipkerlik jáne indýstrialdyq-innovatsiialyq damý basqarmasy jol boiynda ornalasqan nysandarda sanitarlyq-epidemiologiialyq talaptardyń saqtalýy kerektigi jóninde túsinik jumystaryn júrgizip keledi.
Oblystyq politsiia departamenti júk kólikterin qarsylap alyp, shyǵaryp salady.
Kúni búginge deiin óńirde 8782 adam koronavirýs juqtyrsa, sonyń 7700-i jazylyp shyqty. 154 adam kóz jumdy.
Sońǵy táýlikte 37, bir aptada 259 adamnyń indetpen aýyrǵany tirkeldi.
Qazirgi tańda pnevmoniiaǵa shaldyqqan 125 adam statsionarda, 47-si ambýlatorlyq em alýda. Bul dertten 239 adam qaitys boldy.
Invazivti emes jasandy tynys alý apparatyna 3, jasandy tynys alý apparatyna 2, ottegi kontsentratoryna 5, ortalyqtandyrylǵan ottegi kózine 26 adam qosylǵan.
Juqpaly aýrýlar aýrýhanalarynda 150, karantindik statsionarda 55, jansaqtaý bóliminde 14 adam jatyr.
