Batys Qazaqstan oblysynda Reseiden kelgen taǵy bir turǵynnan koronavirýs anyqtaldy, dep habarlaidy "Ult aqparat".
BQO-nyń shuǵyl shtaby málim etkenindei, Reseide vahtalyq ádispen jasaityn oblys turǵyny 40 jasta.
Saratov oblysymen shektesetin «Tasqala» avtoótkelindegi sanitarlyq-karantindik beketten ótken kezde onyń densaýlyǵyna eshqandai shaǵymy bolmaǵan. Alaida karantindik statsionarda zertteý qorytyndysymen COVID- 19 diagnozy naqtylandy.
«Qazirgi tańda naýqastyń jaǵdaiy qanaǵattanarlyq. Oblystyq juqpaly aýrýlar aýrýhanasyna jatqyzyldy. Onymen qarym-qatynasta bolǵandar anyqtalyp, barlyǵy meditsinalyq baqylaýǵa alyndy. Aýrý oshaǵynda dezinfektsiialyq jumystar júrgizildi», dep habarlady shuǵyl shtabtan.
Osylaisha óńirde syrqattanǵandar sany 33-ke jetip, sonyń ekeýi jazylyp shyqty.
Eske sala keteiik, budan buryn BQO-da sońǵy eki naýqastyń Reseiden kelgenin jazǵan bolatynbyz.
