باتىس قازاقستان وبلىسىندا رەسەيدەن كەلگەن تاعى بٸر تۇرعىننان كوروناۆيرۋس انىقتالدى, دەپ حابارلايدى "ۇلت اقپارات".
بقو-نىڭ شۇعىل شتابى مەلٸم ەتكەنٸندەي, رەسەيدە ۆاحتالىق ەدٸسپەن جاسايتىن وبلىس تۇرعىنى 40 جاستا.
ساراتوۆ وبلىسىمەن شەكتەسەتٸن «تاسقالا» اۆتوٶتكەلٸندەگٸ سانيتارلىق-كارانتيندٸك بەكەتتەن ٶتكەن كەزدە ونىڭ دەنساۋلىعىنا ەشقانداي شاعىمى بولماعان. الايدا كارانتيندٸك ستاتسيوناردا زەرتتەۋ قورىتىندىسىمەن COVID- 19 دياگنوزى ناقتىلاندى.
«قازٸرگٸ تاڭدا ناۋقاستىڭ جاعدايى قاناعاتتانارلىق. وبلىستىق جۇقپالى اۋرۋلار اۋرۋحاناسىنا جاتقىزىلدى. ونىمەن قارىم-قاتىناستا بولعاندار انىقتالىپ, بارلىعى مەديتسينالىق باقىلاۋعا الىندى. اۋرۋ وشاعىندا دەزينفەكتسييالىق جۇمىستار جٷرگٸزٸلدٸ», دەپ حابارلادى شۇعىل شتابتان.
وسىلايشا ٶڭٸردە سىرقاتتانعاندار سانى 33-كە جەتٸپ, سونىڭ ەكەۋٸ جازىلىپ شىقتى.
ەسكە سالا كەتەيٸك, بۇدان بۇرىن بقو-دا سوڭعى ەكٸ ناۋقاستىڭ رەسەيدەن كەلگەنٸن جازعان بولاتىنبىز.
