BQO qylmystyq ister jónindegi mamandandyrylǵan aýdanaralyq sotynda Erlan Islamǵalievke úkim shyqty, dep habarlaidy "Ult aqparat".
Sot úkimimen E.Islamǵaliev QR QK 110-baby 2-bóligi, 2-tarmaǵy, 1), 2), 4)-tarmaqshasy, 194-baby 4-bóligi 2)-tarmaqshasy, 261-baby 2-bóligi 4)-tarmaqshasy, 120-baby 2-bóligi 2)-tarmaqshasyna sáikes aiypty dep tanylyp, túpkilikti jaza retinde 13 jylǵa bas bostandyǵynan aiyryldy.
Sottalýshynyń jazasyn qaýipsizdigi barynsha joǵary qylmystyq-atqarý júiesi mekemesinde óteý belgilendi.
Jábirlenýshiniń talaparyzy ishinara qanaǵattandyrylyp, 10 mln teńge moraldyq, 541 530 teńge materialdyq zalal óndirildi.
Sot talqysynda anyqtalǵandai, E.Islamǵaliev ótken jyldyń 28 qarashasynda áieli Iraida Islamǵalievany kepildikke alý úshin ańshy pyshaǵyn, sosyn dúkennen F-1 oqý granatasyn alǵan. Sosyn Jáńgir han kóshesi, 13 mekenjaiynda ornalasqan áieliniń notarialdyq keńsesine kelip, ony kepildikke alǵan.
I.Eslamǵalievany bosatý jóninde quqyq qorǵaý organdary qyzmetkerleri júrgizgen kelissóz bes saǵattai ýaqytqa sozyldy. Osy merzimde E.Islamǵaliev ózine shampan sýsynyn, shokolad, tapansha, ushaq, inkassatorlyq mashina jáne 100 myń AQSh dollaryn jetkizýdi talap etti. Onyń talaptaryn oryndaý úshin shampan, shokolad jáne zalalsyzdandyrylǵan tapansha berildi.
Sodan keiin keńsege eshkimniń kire almaitynyna kózi jetken E.Islamǵaliev kúsh qoldanyp ári óltiremin dep qorqytyp, áieliniń erkinen tys onymen eki ret jynystyq qatynas jasaǵan.
Kelissóz nátijesinde I.Eslamǵalieva bosatyldy.
Sonymen qatar E.Islamǵaliev 2017 jyly 1 qyrkúiekte kezekti turmystyq kikiljiń barysynda qyzǵanysh saldarynan áieliniń kishkentai ulyn bólmege qamap, kúsh qoldanǵan. Úsh-tórt saǵat boiy balanyń kózine uialy telefon shamynyń jaryǵyn túsirip, álsin-álsin óshirip-jaǵyp, onyń namysyna jáne júikesine tietin sózder aitqan.
Áieline kúsh qoldanyp, onyń eki qolyn jylý batareiasyna belbeýimen bailap tastap, aýzyna skotch japsyrǵan.
Kelesi kúni ájethanaǵa barǵysy kelgen áieliniń shashynan súirep, tynys organdaryn kópshikpen basyp, oǵan páterin berýin talap etken. Bas tartqan jaǵdaida kúsh qoldanatynyn aitqan. Kelisim almaǵannan keiin 2 saǵat boiy jábirlenýshiniń kózine uialy telefon shamyn túsirip, qinaǵan.
1-4 qyrkúiek aralyǵynda E.Islamǵaliev áieli men onyń kishkentai ulyn páterden shyǵarmai, I.Islamǵalievanyń ózine turmysqa shyqqanǵa deiin alǵan múlkin iemdený maqsatynda kúsh qoldanyp, qorlaǵan.
Aqyry 4 qyrkúiek kúni ózi men ulynyń ómirine qaýip tóngendikten, Iraida notariýs keńsesine kúieýine erip kelip, onyń atyna quny 14 840 855 teńge turatyn 3 bólmeli páterin rásimdegen.
Sodan keiin 2017 jyldyń qazanynan 2018 jyldyń qańtaryna deiin, sondai-aq 2019 jyldyń aqpanynda áieliniń politsiiaǵa shaǵymdanýynan qaýiptengen E.Islamǵaliev ony únemi uryp-soqqan.
E.Islamǵalievtiń kinási jábirlenýshilerdiń, kýágerlerdiń aiǵaqtarymen, saraptama qorytyndysymen tolyq dáleldendi.
Sot úkimi zańdy kúshine engen joq.
