Aqsai qalasynda meiramhanaǵa qaraqshylyq shabýyl jasap, 4 mln astam teńgeni qoldy etkender ustaldy, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa 4 aqpan kúni oryn aldy.
Saǵat shamamen 03.25-te Bórli aýdany politsiia bólimine «Altyn shatyr» meiramhana keshenine qaraqshylyq shabýyl jasalǵany jóninde habar túsken.
Oqiǵa ornyna jedel tergeý toby jetip, qylmysty ashýǵa jeke quram jumyldyryldy.
Keiin anyqtalǵanyndai, betperde kigen belgisiz ekeý 1963 jylǵy kúzetshini baltamen qorqytyp, meiramhany ashqyzǵan. Sodan keiin kúzetshiniń aiaq-qolyn bailap, óziniń ornynda qaldyrǵan. Ózderi kassa turǵan jerden 2 metall seifti jymqyryp ketken. Onda 1990 jylǵy kásipkerge tiesili 4 mln astam teńge men qujattar bolǵan.
Kúzetshi aiaq-qolyn bosatyp, meiramhana kesheniniń menedjerine habar bergen. Ol politsiiaǵa júgingen.
Jedel izdestirý sharalary barysynda osy qylmysqa qatysy bar tórt kúdikti qolǵa tústi. Olar Aqsai qalasynyń 1989 jáne 1990 jylǵy turǵyndary bolyp shyqty. Bulardan urlanǵan aqsha men qylmys qarýy tárkilendi. Ustaý kezinde kúdiktilerdiń aqshany ózara bólisip úlgergeni anyqtaldy. Olar seifti qaida laqtyryp ketkendikterin de kórsetti. Zattai aiǵaqtar tárkilenip, qylmystyq iske tirkeldi.
Urlanǵan qarjy túgeldei iesine qaitaryldy.
Sondai-aq atalǵan toptyń reseilik eseptegi «VAZ-21150» avtokóligimen júrgeni belgili boldy.
Qazirgi kezde QR QK 192-baby 3-bóligine (qaraqshylyq) sáikes sotqa deiingi tergeý amaldary júrgizilýde.
Kúdiktilerdiń ekeýi Bórli aýdany politsiia bóliminiń ýaqytsha ustaý izoliatoryna qamaldy.
Barlyq kúdiktilerge qatysty bultartpaý sharasyn qoldaný máselesi sheshilýde.
